Fimm hlauparar sigruðust á svelli og kulda í Self-Transcendence Tjarnarhlaupi 30. nóvember

English version Það var hált og svalt þriðjudaginn 30. nóvember, þegar 2 mílna Self-Transcendence Tjarnarhlaupið fór fram í 14 sinn, en hlaup þessi hófust 10. ágúst og hafa haldist gangandi sleitulaust síðan þá, ef undan eru skildar tvær vikur í ágúst. Þeir fimm hlauparar sem tóku þátt að þessu sinni, létu þó ekki aðstæður á sig fá, frekar en þeir hafa gert síðustu tvo mánuði eða svo, eða allt frá því að Kári og Vetur konungur vöknuðu til lífsins hér á Fróni. Fremstan ber að telja þann hlaupara sem síðastur kom í mark, Ganagane Stefánsson, skipuleggjanda hlaupanna.  Þetta er aðeins í annað sinn sem Ganagane hefur haft tækifæri til að hlaupa sjálfur, hitt skiptið var 21. september, og, þegar aðstæður eru einnig teknar með í reikninginn, má hann vera fullsæmdur af tíma sínum, 18:26. Rúnar Páll Gígja hefur verið mikið í fréttunum á þessari síðu fyrir stöðuga bætingu á tíma sínum þrátt fyrir erfiðar aðstæður.  Rúnar olli aðdáendum sínum ekki vonbrigðum og bætti sig um fimm sekúndur frá því í hlaupinu 9. nóvember; hljóp núna á 13:34. Þessi góði tími dugði Rúnari aðeins til annars sætis, því Andrés Ramón hefur snúið til Tjarnarhlaupanna á nýjan leik og, rétt eins og í síðustu viku, sýndi að Rúnar á enn eftir ýmislegt ólært áður en hann getur látið sig dreyma um að ná Andrési.  Tími Andrésar var 13:11, en þetta er þó minnsta bil sem hefur verið milli hans og Rúnars.  Það verður því spennandi að fylgjast með þeim tveimur í framtíðinni. Víðir Sigurðsson og Ágúst Örn Márusson tóku einnig þátt í þessu hlaupi.  Þeir voru mitt á milli forystusauðanna og Ganagane, en sýndu í verki heimspeki Sri Chinmoys að maður verður að byrja hér og nú og vinna með þá getu sem maður hefur einmitt núna ef maður lætur sig dreyma um að bæta sig.  Það er ekki hægt að ætlast til þess að maður stökkvi inn á sviðið sem fullskapaður hlaupari. Úrslit (millitími eftir 1 mílu sýndur innan sviga): Andrés Ramón 13:11 (6:20) Rúnar Páll Gígja 13:34 (6:34) Ágúst Örn Márusson 15:44 (7:37) Víðir Sigurðsson 16:27 (8:00) Ganagane Stefánsson 18:26 (8:52)

Andrés Ramón sneri aftur í Self-Transcendence 2 mílna Tjarnarhlaupið þriðjudaginn 23. nóvember og vann sigur í leysingunum

English version

Andrés Ramón vann öruggan sigur í Self-Transcendence 2 mílna Tjarnarhlaupinu þriðjudaginn síðasta, 23. nóvember.  Andrés hljóp á 12 mínútum og 41 sekúndu og var 1:15 á undan næsta manni.  Andrés hafði ekki tekið þátt í tvö síðustu skipti, en minnti á sig sem um munaði í þetta sinn.  Þetta er samt nokkuð frá hans besta tíma, 11:20, sem hann setti í hlaupinu 14. september.

Annars voru miklar leysingar í allan dag sem skapaði polla og hálku á víð og dreif um brautina.  Olli þetta hlaupurum nokkrum vandræðum.  Rúnari Páli Gígja tókst ekki að bæta tíma sinn og vill hinn sístækkandi aðdáendaklúbbur hans kenna aðstæðum um, en Rúnar hefur tekið nánast línulegum framförum síðan í hlaupinu 12. október.  Tími hans, 13:56, er þó velsæmilegur fyrir þennan tíma ársins og er aðeins 17 sekúndum frá besta tíma hans, sem hann setti í hlaupinu 9. nóvember.  En Rúnar er ekki fyllilega ánægður nema hann nái að bæta tíma sinn í hverju hlaupi, enda hefur hann orðið fyrir miklum áhrifum af skrifum Sri Chinmoys um eigin framfarir (self-transcendence).

Ágúst Örn Márusson varð þriðji á tímanum 15:30.  Ágúst er kominn í ný hlaupaföt, en honum, líkt og öllum öðrum fyrir utan Rúnar Pál, hefur ekki tekist að gera atlögu að besta tíma sínum yfir vetrarmánuðina.  Besti tími Ágústs, 14:38, kom í hlaupinu 7. september.

Um mitt hlaup gægðist tunglið fram úr skýjunum og varpaði ljóma sínum yfir borgina.  Ljósmyndari reyndi að fanga fegurðina, en það verða aðrir að dæma um hvernig til tókst.

Úrslit (millitími eftir 1 mílu sýndur innan sviga):

1. Andrés Ramón 12:41 (6:15)
2. Rúnar Páll Gígja 13:56 (6:37)
3. Ágúst Örn Márusson 15:30 (7:15)

Rúnar Páll Gígja heldur áfram að bæta tíma sinn í 2 mílna Self-Transcendence Tjarnarhlaupinu, þriðjudagur 9. nóvember

English version Rúnar Páll Gígja sigraði í gærkvöldi í hinu vikulega 2 mílna Self-Transcendence Tjarnarhlaupi, og varð þar með fjórði sigurvegari þessara hlaupa frá upphafi. Rúnar hljóp á tímanum 13:39, sem er besti tími hans frá upphafi, hvorki meira né minna en 30 sekúndum betri en það sem hann átti áður best, sett í síðasta hlaupi, 2. nóvember.  Einnig er vert að geta þess að Rúnar hefur bætt sig um 2 mínútur. og 5 sekúndur frá því hann tók fyrst þátt í Tjarnarhlaupunum, en það var 10. ágúst og eru því aðeins 3 mánuðir síðan þá.  Geri aðrir betur! Árangur Rúnars er einnig athyglisverður ef litið er til þess að áður en hann kynntist Sri Chinmoy maraþonliðinu og heimspeki stofnanda þess, Sri Chinmoys, hafði hann ekki stundað íþróttir að neinu marki síðan á unglingsaldri. Úrslit (millitími eftir 1 mílu sýndur innan sviga): Rúnar Páll Gígja 13:39 (6:37) Ágúst Örn Márusson 15:35 (7:42) Víðir Sigurðsson 16:33 (7:57)

Hin vikulegu Tjarnarhlaup halda áfram þrátt fyrir skammdegi og vetrarveður. Þann 26. október tóku fimm þátt

English version

Fimm tóku þátt í Self-Transcendence 2 mílna Tjarnarhlaupi þriðjudaginn síðasta, 26. október.  Allir kláruðu vegalengdina, sem er afrek út af fyrir sig, þar sem myrkur, kuldi og hvassviðri gera mönnum erfitt fyrir.

Einn erfiðleikaþátturinn bættist við í gærkvöldi, en það er bílaumferðin.  Þó að það sé aðeins á þremur stöðum sem hlaupararnir þurfa að fara yfir götu var í myrkrinu nánast búið að keyra niður fremsta mann, Andrés Ramón.  Andrés lét þetta nú ekki meira á sig fá en svo að hann kom fyrstur í mark á tímanum 12:16, tveimur og hálfri mínútu á undan næsta manni.  Sannkallaður yfirburðasigur hjá honum.

Í öðru sæti varð Rúnar Páll Gígja á tímanum 14:49, en Rúnar Páll hefur tekið einna mestum framförum frá því að Tjarnarhlaupin hófust.

Úrslit (millitími eftir 1 mílu innan sviga):

1. Andrés Ramón 12:16 (6:04)
2. Rúnar Páll Gígja 14:49 (6:59)
3. Davíð Sigurgeirsson 16:26 (7:54)
4. Ágúst Örn Márusson 16:32 (8:06)
5. Víðir Sigurðsson 17:11 (8:21)

Sri Chinmoy was a spiritual Teacher, who was also a keen runner and saw running as part of his philosophy of 'Self-Transcendence'.

“Running helps us considerably. Running is continuous motion. Because of our running, we feel that there is a goal — not only an outer goal but also an inner goal.”

- Sri Chinmoy

Sri Chinmoy himself ran several marathons and a few ultra-marathons. His best time for the marathon was 3:55:07 in Toledo Ohio, 1979.

Þátttökumetið var jafnað og tveir settu einkamet á Self-Transcendence Tjarnarhlaupi þriðjudaginn 12. október

English version Þátttökumetið var jafnað á Self-Transcendence 2 mílna Tjarnarhlaupinu í kvöld, 12. október, en átta hlauparar mættu og hlupu í skammdeginu.  Aðstæður voru reyndar að öðru leyti góðar og var stillt og hlýtt. Þátttökumetið var ekki eina metið sem var slegið í kvöld, því Rúnar Páll Gígja og Víðir Sigurðsson settu báðir einkamet og bætti Rúnar sig um heilar 64 sekúndur.  Geri aðrir betur! Annars voru úrslit fyrirsjáanleg; Andrés Ramón sigraði örugglega á tímanum 11:44.  Suren Suballabhason, sem hljóp nú í fyrsta sinn, varð í 2. sæti, rúmum tveimur mínútum á eftir Andrési. Úrslit (millitími eftir 1 mílu sýndur innan sviga): Karlaflokkur: Andrés Ramón 11:44 (5:49) Suren Suballabhason 13:47 (6:48) Upajukta Ágústsson 14:11 (6:56) Rúnar Páll Gígja 14:21 (7:05) Ágúst Örn Márusson 14:57 (7:06) Davíð Sigurgeirsson 15:46 (7:28) Víðir Sigurðsson 15:52 (7:24) Kvennaflokkur: Steinunn Torfadóttir 19:40 (9:52)

Einungis 4 hlauparar létu sig hafa það að hlaupa í roki og kulda

English version Vindur og kuldi settu mark sitt á Self-transcendence 2 mílna Tjarnarhlaup, sem fram fór 28. september síðastliðinn. Einungis fjórir hlauparar tóku þátt og þar af treystu einungis þrír sér til að klára vegalengdina. Margir af fastahlaupurum ákváðu að hvíla sig að þessu sinni til að koma sterkari inn næst. Sigur Andrésar Ramón var því ekki í hættu að þessu sinni, en hann hljóp á tímanum 11:56. Úrslit (millitími eftir 1 mílu er gefinn upp innan sviga): Andrés Ramón 11:56 (5:48) Davíð Sigurgeirsson 14:30 (6:45) Rúnar Páll Gígja 15:17 (7:21) Simmi (7:22)