Fréttir

Suren lýsir því hvernig honum kom nýtt met Rúnars Páls fyrir sjónir 10. maí 2005

English         Forsíða Loksins, loksins! heyrðust áhorfendur hvísla þegar Rúnar Páll kom fyrstur í mark í Self-Transcendence 2 mílna Tjarnarhlaupinu, þriðjudaginn 10. maí.  Þetta var ekki í fyrsta sinn sem Rúnar kom fyrstur í mark - af því hefur hann mikla og góða reynslu og hefur meira að segja komið fyrstur í mark í þremur síðustu Tjarnarhlaupum.  Nei, þetta "loksins, loksins" sem heyrðist hvíslað í áhorfendaskaranum stóð fyrir "loksins tókst Rúnari að slá metið sitt." Það var í myrkri, kulda og svelli þann 30. nóvember 2004 er Rúnar setti hinn ómögulega mettíma 13:34.  Ómögulegur er rétta orðið, því hver heldur áfram að bæta sig við þær ómögulegu aðstæður sem eru í boði 30. nóvember?  Jú, Rúnar Páll.  En, ómögulega virtist, því miður, hafa aðra merkingu: Hvað svo sem Rúnar reyndi er Tjarnarhlaupin hófust á nýjan leik á þessu ári, þá tókst honum ekki að slá metið.  Það var engu líkara en það væri...ómögulegt. En svo rann upp 26. apríl, bjartur og hlýr, og Rúnar Páll hljóp eins og berserkur - sló hvergi af - og þegar hann heyrði tímavörðinn kalla að nú ætti hann möguleika á að slá metið, gaf hann allt í botn og tók ólympískan endasprett síðustu 100 metrana.  Áhorfendur tóku andköf er Rúnar stökk fram hjá stönginni er táknar endimörk hlaupsins, tímavörður heyrðist stöðva klukku sína og svo heyrðist tíminn...13:34. Þetta virtist ekki vera sanngjarnt!  Eftir allt sem Rúnar hafði lagt á sig, þá náði hann aðeins að jafna metið.  Það er í sjálfu sér frábær árangur að jafna eigið met, en hér höfðu menn vonað - hér hafði hvert hjarta slegið aukaslag er Rúnar fór yfir marklínuna - að þeir yrðu vitni að sögulegum atburði.  Og sjáið nú hvað kapphlaup eru grimmileg.  Ein sekúnda skildi á milli sögulegs atburðar og hversdagslegs atburðar - því hvað er merkilegt við metjöfnun?  En nýtt met, það er annað mál. En þegar vonbrigðin hafði runnið af mönnum vaknaði skilningurinn...og vonin!  Ef Rúnar gat jafnað metið, þá HLÝTUR hann að geta slegið það.  Og þar sem Ganagane, yfirskipuleggjandi, og hinir vinnusömu menn í Sri Chinmoy Maraþonliðinu á Íslandi sjá til þess að Self-Transcendence 2 mílna Tjarnarhlaupin eru haldin í hverri viku, þá þarf ekki að vera svo langt að bíða þar til metið fellur. Með þennan nýjan skilning að vopni, og þessa nýju von, endurnýjuðu áhorfendur áhuga sinn, áhuga sem þoldi það að sjá Rúnar, aftur, grátlega nálægt því að slá metið vikuna eftir (tími: 13:37), áhuga (og von) sem ber árangur nú, 10. maí, er við fylgjumst með Rúnari koma yfir marklínuna, líkt og í hægri endursýningu ólympísks kapphlaups, á nýju og glæsilegu persónulegu meti, 13:18.

Meðlimir íslenska Sri Chinmoy maraþonliðsins hlaupa með einum helsta ofurmaraþonhlaupara Finnlands.

English version Í maímánuði síðastliðnum brugðu þrír hlauparar úr íslenska Sri Chinmoy maraþonliðinu undir sig betri fætinum og sóttu Finnland heim. Það voru ég (Suren), Snatak og Ganagane. Í Finnlandi tókum við hús á Ashprihanal Aalto, en hann er einn helsti ofurmaraþonhlaupari Finnlands og meðlimur Finnlandsdeild samtaka okkar. Ashprihanal hefur sigrað þrisvar í 3100 mílna hlaupi, sem hið alþjóðlega Sri Chinmoy maraþonlið heldur á ári hverju, en stuttu eftir heimsókn okkar bætti hann einmitt þriðja sigrinum við. Það kom því ekki annað til greina en að fá að hlaupa með meistaranum. Ashprihanal var reyndar að hvíla sig eftir 6 daga hlaup sem hann hafði nýlega hlaupið, svo úr varð stutt skokk í miðbæ Helsinki. Í för með okkur slógust Jigyasu og Jatnaban úr finnska Sri Chinmoy maraþonliðinu og úr varð hið allra skemmtilegasta hlaup í sól og blíðu. Ekki varð hjá því komist að taka eftir athyglisverðum hlaupastíl Ashprihanals; það er eins og hann skoppi áfram frekar en hlaupi. Með þessu er ég ekki að reyna að kasta rýrð á hlaupastíl hans, eða hann sem hlaupara, heldur, þvert á móti, gæti ég trúað að þetta væri afar sniðugur hlaupastíll. Ég get ímyndað mér að með þessu móti lágmarki hann orkueyðsluna og álagið á líkamann, enda er það nauðsynlegt þegar menn eru að hlaupa í 110 km á dag í 46 daga. Þegar á allt er litið var þetta afar skemmtileg og árangursrík heimsókn og skemmtileg minning sem við tókum með okkur heim. Já! og við létum taka mynd af okkur við styttu af hlaupagoðsögninni Paavo Nurmi.

Three inspired runners participated in the weekly icelandic 2 mile pond race and had to fight against deep snow, ice and cold wind.

Eftir alla snjókomuna helgina á undan þá voru það þrír hlauparar sem létu klofdjúpan snjó ekki stoppa sig í að taka þátt í hinu geysi vinsæla Sri Chinmoy Tjarnarhlaupi þriðjudaginn 21. nóvember.

Það sem af er þessum vetri þá hafa þrír hlauparar verið hvað duglegastir að taka þátt í Self Transcendence Tjarnarhlaupinu en þetta eru þeir Upajukta, Víðir og Hartmann.   Þeir kappar hafa mætt í næstum öll hlaup og hefur þá ekki skipt máli þótt glerhálka hafi verið yfir öllu eða beljandi norðangarri, það hefur ekkert stoppað þessi heljarmenni.

Í síðasta hlaupi þá sigraði Hartmann mjög örugglega á sínum besta tíma frá upphafi og óskum við honum til hamingju með það.  Hartmann hefur stöðugt verið að sækja í sig veðrið eftir því sem líður lengra á veturinn og virðist hann vera alveg óháður veðri og aðstæðum og gefur sig allan í hlaupin.  Þess má svo geta að Hartmann er einnig mikill júdókappi og ættu menn því að forðast það að lenda í átökum við hann að óþörfu.
 
Nú Upajukta varð svo annar þó tíminn hjá honum hafi ekki verið uppá marga fiska þá megum við ekki gleyma því að hann verður að teljast með þeim al hörðustu í hlaupunum og lætur ekki nokkur aukakíló draga úr sér kjarkinn.

Síðast en alls ekki sístur var svo verslunarstjórinn hann Víðir.  Víðir setti nú engin met í þetta skipti heldur notaði tímann og virti fyrir sér endurnar á svona í skammdegis myrkrinu.

Úrslit karlaflokki:

1. Hartmann 14:05
2. Upajukta 16:05
3. Víðir 18:10

seint koma sumir en koma þó..

Það leit allt út fyrir að Upajukta yrði eini keppandinn í Tjarnarhlaupinu þriðjudaginn 15. nóvember og hugsað hann sér gott til glóðarinna og hugðist sigra hlaupið örugglega, en rétt fyrir hlaup þá mættu Kristbjörg og íslandsvinurinn Hubert til leiks og voru því sigurvonir Upajukta fyrir bí.

Það var hinn viðkunnalegi austurríkismaður og íslandsvinur hann Hubert sem sigraði örugglega og bætti tíma sinn um rúma hálfa mínútu frá því fyrir tveim vikum þegar hann keppti síðast.  Þetta er afar glæsilegur árangur því það er ekki hægt að segja að aðstæður fari batnandi núna eftir því sem við förum lengra inní veturinn og er greinilegt að hann fer eftir heimspeki Sri Chinmoy en hann talar einmitt um að menn geti alltaf bætt sig.. 
Það hefði verið gaman að sjá Hubert bæta sig enn frekar á næstu vikum en það verður víst ekki af því þar sem hann er nú alfarinn til síns heimalands.

Einsog áður hefur komið fram þá sá Upajukta fram á langþráðan sigur en sá draumur varð að engu þegar Hubert mætti á svæðið.  Upjukta hljóp þó á ágætis tíma og má alveg vera stoltur af frammistöðu sinni.

Kristbjörg sigraði svo kvennaflokkinn örugglega, en hún hefur sigrað í öllum þeim hlaupum sem hún hefur tekið þátt í enda hefur hún einatt verið í eini keppandinn í þeim flokki.  Hún var aðeins 7 sekúndum frá sínum besta tíma sem hún setti í hlaupinu 25. október.

Úrslit karlaflokki:

1. Hubert 13:27
2. Upajukta 15:37

Úrslit kvennaflokki:

1. Kristbjörg 16:38

Tveir hlaupa rólegt Tjarnarhlaup 12. júlí

Það var rólegt yfir öllu þriðjudaginn síðasta, 12. júlí, er 24. Self-Transcendence Tjarnarhlaup þessa árs fór fram.  Aðeins tveir þátttakendur mættu til leiks og hlupu þar að auki frekar rólega og voru langt frá því að setja ný met. Á þessu er vitanlega eðlileg skýring.  Hlauparar Sri Chinmoy maraþonliðsins hafa verið uppteknir við það síðustu tvær vikur að hlaupa hið mikla World Harmony Vináttuhlaup hringinn í kringum Ísland.  Að þessu sinni voru allir hlaupararnir, utan þessir tveir sem tóku þátt í Tjarnarhlaupinu, staddir einhvers staðar á Ólafsfirði um það leyti sem Tjarnarhlaupið fór fram og voru því löglega afsakaðir. Þeir Ágúst og Víðir, hlaupararnir sem eftir voru í bænum, voru aukinheldur þreyttir eftir að hafa hlaupið í Vináttuhlaupinu í síðustu viku og fóru sér því engu óðslega.  En þeir tóku a.m.k. þátt og ber að virða það við þá. Úrslit: Ágúst 14:30 (7:08) Víðir 16:23 (7:46)

Aðeins þrír hlauparar mættu til leiks í Self trancendence tjarnarhlaupið 5. júlií.  Það á sér þó sýnar eðlilegur skýringar þar sem margir hlauparar voru að tala þátt í Alþjóðlega vináttu hlaupinu eða World harmony run.

Andrés Ramon sigraði örugglega á tímanum 11:55 og er hann smá saman að komast í sitt besta form eftir tveggja mánaða hvíld.  Hafa borist sögusagnir um að Andrés sé að hlaupa allt að 30km á dag og er því ekki spurning hvort heldur hvenær setur persónulegt met.

Annar varð svo Suren á 13:35.  Suren hefur verið að láta sjá sig sem þáttakandi í tjarnarhlaupunum uppá síðkastið en hann hefur frekar verið þekktur fyrir að vera maðurinn á bakvið myndavélina og einnig sem tímavörður.

Raúl varð svo þriðji á tímanum 13:57 en hann er vinur Andrésar og var að keppa í fyrsta sinn.   Hann sýndi mikla keppnishörku og náði að fylgja Suren framan af en varð svo að gefa eftir á loka sprettinum.  Það verður gaman að fylgjast með Raúl í framtíðinni því hann virðist vera efni í ágætis hlaupara.


Úrslit (millitími eftir 1 mílu innan sviga):

1. Andrés 11:5 (5:55)
2. Suren 13:35 (6:53)
3. Raúl 13:57 (6:54)

Aðeins þrír hlauparar mættu til leiks.

Eftir góða þátttöku síðustu vikur og met þátttöku í síðustu viku þá mættu aðeins þrír keppendur til leiks í Tjarnarhlaupinu 21. Júní síðastliðinn. Suren sem mætti aftur eftir langa hvíld gerði sér lítið fyrir og sigraði glæsilega á tímanum 13:46.  Ágúst veitti honum harða keppni framan af og þurfti Suren að hafa töluvert fyrir sigrinum en hann fór fram úr Ágústi á endasprettinum og sýndi hversu mikill keppnismaður hann er. Ágúst Örn varð svo í öðru sæti enda hefur það loðað við Ágúst að eigna sér annað sætið á síðustu vikum.  Ágúst hljóp á tímanum 14:11 og er það aðeins 2 sekúndum frá hans besta tíma .  Bíða menn nú spenntir að sjá hvað Ágúst gerir í næsta hlaupi og aldrei að vita nema nýtt met verði sett. Víðir rak svo lestina á tímanum 15:45 enda er hann ekki að keppa í sama þyngdarflokki og Suren og Ágúst. Er þetta nokkuð frá hans besta tíma en undirritaður veit fyrir víst að Víðir  gefst aldrei upp enda leggur Sri chinmoy mikið uppúr því að menn gefist aldrei upp. Svo má ekki gleyma Upajukta sem mætti með nýja myndavélasímann sinn og tók nokkrar myndir af sinni alkunnu snilld og Davíð tímaverði sem sá til þess að hlaupið færi vel fram Úrslit (millitími innan sviga): Suren 13:46(6:41) Ágúst 14:11(6:37) Víðir 15:45(7:34)

Víðir Sigurðsson setti langþráð persónulegt met í Tjarnarhlaupi, þriðjudag 24. maí

English      Fleiri myndir   More photos Eftir að hafa verið nálægt því í síðustu viku og enn nær því í þarsíðustu viku, tókst Víði Sigurðssyni loks að setja nýtt persónulegt met í Self-Transcendence 2 mílna Tjarnarhlaupi þriðjudaginn 24. maí. Það mátti búast við því að ársmetið hans Víðis, 16:07, sem hann setti 8. mars síðastliðinn, félli fyrr eða síðar, sem það og gerði.  En Víðir lét ekki staðar numið við ársmetið heldur setti hann einnig persónulegt met.  Gamla metið, 15:52, hefur staðið óhaggað síðan 12. október á síðasta ári, en Víðir átti ekki í nokkrum erfiðleikum með að bæta það og skildu að lokum 50 sekúndur nýja metið og gamla metið að.  Nýja metið er því 15:02.  Til hamingju með glæsilegt nýtt met, Víðir!  Hægt er að lesa meira um vegferð Víðis að nýju meti hér. Þessi árangur kom Víði sjálfum mest á óvart, en þetta er enn eitt dæmið um það að "allt er hægt ef viljinn er fyrir hendi", en þetta viðhorf leikur einmitt stórt hlutverk í hlaupaheimspeki Sri Chinmoys. Upajukta er síðan smám saman að komast í betra form; hann hljóp nú á 17:15, sem er tæpri mínútu betur en í síðustu viku. Úrslit: Víðir 15:02 Upajukta 17:15

Tveir hlupu Self-Transcendence 2 mílna Tjarnarhlaup, þriðjudag 17. maí.

English      Fleiri myndir   More photos Aðeins hársbreidd munaði að Víði Sigurðssyni tækist að setja nýtt persónulegt ársmet í Self-Transcendence 2 mílna Tjarnarhlaupi, þriðjudaginn 17. maí. Víðir, sem hljóp fyrri hringinn á góðum tíma, virtist eiga ágæta möguleika á metbætingu er hann kom inn á beina kaflann síðustu 200 metrana.  Hann náði þó ekki upp þeim krafti sem til þurfti og mátti sætta sig við að verða 6 sekúndum frá metinu, sem er 16:07, sett 8. mars.  Þetta er í annð sinn á jafn mörgum vikum sem Víðir er nálægt nýju meti, en í síðustu viku var hann aðeins 2 sekúndum frá metinu. Spælandi, en, eins og máltækið segir, það kemur dagur eftir þennan dag, og allt er reynsla, eins og Sri Chinmoy hefur sagt.  Víðir fær að minnsta kosti nýtt tækifæri í næstu viku og þá kemur í ljós hvort honum tekst að leika sama leik og Rúnar Páll, sem setti nýtt met eftir að hafa verið nálægt því tvisvar í röð.  Það er hægt að lesa allt um hetjulega göngu Rúnars að nýju meti hér. Af Upajukta er það að segja að hann hefur enn ekki náð sínu fyrra formi og verður tími hans að skoðast í því ljósi. Úrslit (millitími eftir 1 mílu innan sviga): Víðir 16:13 (7:54) Upajukta 18:00 (8:14)

Það var mikið gleði og hamingja hjá mönnum þegar fyrsta tjarnarhlaupið fór fram eftir nokkurt hlé.  Menn hafa beðið óþreyjufullir í allt sumar eftir því að fá að keppa og var því búist við mörgum keppendum að þessu sinni.

Það fór þó á annan veg því aðeins þrír hlauparar mættu til leiks, en það voru þeir Rúnar Páll, Andrés Ramon og Upajukta.

Þetta var fyrsta Tjarnarhlaupið hjá Rúnari Páli á þessu ári en hann mætti síðast þann 6. desember á síðasta ári, en hann var í sumar að hlaupa í alþjóðlega vináttuhlaupinu í evrópu og er hann því í feiknaformi um þessar mundir.

Það fór líka svo að hann hljóp á sínum besta tjarnarhlaupstíma frá upphafi og óskum við honum til hamingju með það.  Það er bara vonandi að hann haldi sér í sama formi og nái að bæta tímann enn betur.

Það voru svo Andrés og Upajukta sem lentu í öðru og þriðja sæti en þeir komu beint af mjög erfiðri hlaupaæfingu og tóku því lífinu með ró í þetta sinn.

Því miður náðust engar myndir af keppendunum því ákveðinn aðili sem hafði lofað að mæta og taka myndir sveik það loforð og þykir okkur það miður.  Í staðin verða gamlar og góðar myndir settar inn and margt eftirminnilegt gerst í þau tvö ár sem Tjarnarhlaupið hefur staðið yfir.

Úrslit:

1. Rúnar 12:17
2. Andrés 14:13
3. Upajukta 14:43