Sri Chinmoy Marathon Team articles

Að þessu sinni mættu aðeins tveir hlauparar og hafa sjaldan eins fáir mætt til leiks í Tjarnarhlaup Sri Chinmoy maraþon liðsins.

Það þarf ekki að koma mörgum á óvar að Rúnar Páll hafi mætt til leiks en hann lætur sjaldan stór íþróttaviðburði líkt og Tjarnarhlaupið fram hjá sér fara.
Að sjálfsögðu sigraði hann örugglega og var aðeins fjórum sekúndum frá sínum besta tíma sem hann setti í síðustu viku.

Það sem kom kannski heldur á óvart að Upajukta var mættur til leiks eftir að hafa tekið sér frí í síðustu viku og gerði sér lítið fyrir og hljóp á sínum besta tíma á þessu ári! Þar að auki fór hann undir 14 mínútur en honum hefur þótt það þrautin þyngri að ná því yfir síðustu misseri.
Vilja því mótshaldarar hlaupsins óska honum til hamingju með frábæran árangur og vonumst við til að sjá en frekari bætingar á komandi vikum

Úrslit:

Rúnar 12:14
Upajukta 13:30

View full article »

Strákarnir í Sri Chinmoy maraþonliðinu eru nýbyrjaðir að spila knattspyrnu á nýjan leik. Fréttaritari þessarar síðu leit við laugardaginn 12. mars

English

Skoðið fleiri myndir hér
More photos here

Eftir langt hlé hafa strákarnir í Sri Chinmoy maraþonliðinu hafið knattspyrnuiðkun á nýjan leik. Sem fyrr er hist á laugardagsmorgnum og rifja menn þá upp gamla takta og sýna fótafimi sína. Fréttaritari þessarar síðu leit við laugardaginn síðasta, 12. mars, en þá var leikurinn í hámæli og fengu ýmsir snilldartaktar að líta dagsins ljós.

Upajukta sýndi hvernig á að fagna marki og Rúnar Páll sýndi hvernig á að sóla menn upp úr skónum á meðan Andrés sýndi suðræna knattspyrnudansa. Davíð sýndi fyrirtaks varnarvinnu og Ganagane sýndi vöðvana, en Ágúst og Víðir fengu ekki að sýna mikið, því þeir voru í marki - a.m.k. þann tíma sem fréttaritari var á staðnum.

Alla ofangreinda takta og fleiri til er hægt að finna í máli og myndum hér

View full article »

Það voru tvö hörkutól sem mættu í Tjarnarhlaup 8. nóvember síðastliðinn og stóðu sig einsog hetjur.
Þetta voru þeir Víðir og Upajukta sem eru þekktir fyrir að kalla ekki allt ömmu sína enda mikil heljarmenni þarna á ferð.

Víðir byrjaði á því að leiða hlaupið en þegar langt var liðið á fyrsta hring náði Upajukta að skjóta sér framúr og hélt forystunni allt til enda.
Tímarnir voru kannski ekki til að hrópa húrra fyrir en haft var eftir þeim köppum eftir hlaupið að mikil ísing á leiðinni hefði leitt til þess að hægja þurfti verulega á ferðinni og því hafi þeir ekki náð að halda fullu stími alla leiðina. Svo gekk sú saga eftir hlaupið að Víðir hefði borðað nokkur súkkulaðistykki rétt fyrir hlaupið og því ekki verið eins léttur á fæti oh hann hefði kosið.

Annars höfðu bæði hlauparar og mótshaldarar bæði gagn og gaman af þessu hlaupi og voru heimsmálin rædd langt frameftir kvöldi að hlaupi loknu.

Úrslit karlaflokki:

Upajukta 15:36
Víðir 17:56

View full article »

Document Actions

Tjarnarhlaup 3. október

page created by David Sigurgeirsson — last modified 2007-06-27 05:32 AM

Record turnout at the 2 mile Tjarnarhlaup race in Reykjavík...

Í fysta skipti í sögunni var Tjarnarhlaup Sri Chinmoy maraþon liðsins auglýst á hlaup.is og lét áhuginn hjá fólki ekki á sér standa. Mættu hvorki fleiri né færri en 30 manns og er það næstum fjórfalt gamla þátttökumetið sem var 8 manns.

Það var hann Kári Steinn Karlsson sem hljóp á besta tímanum og setti um leið tjarnarhlaupsmet og var þar að auki fyrstur allra að fara undir 10 mínútur og viljum við óska honum til hamingju með það!

Í kvennaflokki sigraði svo Herdís Arnalds og var sigurtíminn 13:23 og er það einnig tjarnarhlaupsmet í kvennaflokki og óskum við henni að sjálfsögðu til hamingju með glæsilegan árangur.

Nú svo eftir hlaupið var boðið uppá ávexti og drykki sem keppendur gæddu sér á með bestu lyst þrátt fyrir heldur leiðinlegt veður sem var að þessu sinni.

Úrslit karlaflokki:

Kári Steinn Karlsson 9:41
Ólafur Margeirsson10:50
Sigurður Hansen 10:52
Andrés Ramon 11:19
Tómas Guðmundsson 11:29
Elvar Ö. Hjaltason 11:33
Jón Jóhannson 11:54
Rúnar Gígja 11:56
Hartmann Bragason 12:53
Ágúst G. Ágústsson 12:57
Vigfús Vigfússon 12:59
Þorgeir Sigurðsson 13:29
Sveinn Hilmarsson 13:56
Hinrik J. Stefánsson 14:32
Gísli Gíslason 14:35
Snorri Guðmundsson 14:44
Þorleifur Jónsson 14:48
Kolbeinn I. Gunnarsson 15:11
Már Karlsson 15:14
Jón G. Björnsson 16:07
Trausti Þorgeirsson 16:19
Haukur Bergsteinsson 21:14

Úrslit kvennaflokki:

Herdís H. Arnalds 13:23
Halla Þorvaldsdóttir 13:55
Ágústa Guðmundsdóttir 16:22
Hanna B. Hauksdóttir 16:39
Gréta Jessen 17:03
Arndís Björnsdóttir 17:18
Anna Kristjánsdóttir 17:40
Ragna Ragnarsdóttir 20:19

View full article »

Fimm Íslendingar hlupu í Self-transcendence maraþonhlaupinu

English version

Fleiri myndir hér!

Fimm hlauparar úr Íslandsdeild Sri Chinmoy maraþonliðsins hlupu nýlega hið árlega Self-transcendence maraþonhlaup, sem alþjóðlega Sri Chinmoy maraþonliðið stendur fyrir, en hlaupið fór að þessu sinni fram miðvikudaginn 25. ágúst.

Þessir hlauparar voru þau Snatak, Andrés, Upajukta, Davíð og Steinunn. Ganagane hóf einnig þátttöku, en varð að hætta eftir hálft maraþon vegna eymsla.

Self-transcendence maraþonhlaupið er hlaupið í fallegum garði í uppsveitum New York borgar og voru aðstæður í ár eins og best verður á kosið.

Þetta er í þriðja sinn sem hlaupið er haldið og alltaf hafa Íslendingar átt fulltrúa.

Tímar íslensku hlauparanna að þessu sinni voru:

Karlaflokkur:

Snatak 3:23:29
Andrés 3:27:29
Upajukta 4:47:49
Davíð 6:16:06

Kvennaflokkur:

Steinunn 6:22:49

Tímar þriggja efstu í karla- og kvennaflokki voru:

Karlaflokkur:

Gyula Szabo 2:32:33
Horst Felgitscher 2:41:57
Gregor Buser 2:42:06

Kvennaflokkur:

Dhavala Stott 3:10:57
Garbitashri Webster 3:14:43
Narmada Heer 3:20:04

Vinsamlegast skoðið fleiri myndir hér

View full article »

Kuldi, hvassviðri og náttúrulega myrkur, settu svip sinn á Self-Transcendence Tjarnarhlaupið 11. október síðastliðinn.

Það var þó engan bilbug á hlaupurunum að finna. Aðstæður voru vitanlega ekki fullkomnar og litu því engin ný met dagsins ljós. En menn eru ekki í þessum hlaupum bara til að bæta metin sín, heldur til að hlaupa í góðum félagsskap og iðka þá list að gefast aldrei upp, en það er atriði sem skipar veglegan sess í heimspeki Sri Chinmoy.

Hvað um það. Snatak var mættur aftur til leiks og kom langfyrstur í mark. Hugsanlega saknaði hann Andrésar, sem veitti honum verðuga keppni fyrir tveimur vikum, því tími Snataks var meira en hálfri mínútu verri nú.

Í fjarveru Andrésar tryggði Oddur sér annað sætið örugglega, en Oddur hefur verið að hlaupa á afar traustum tímum síðan hann hóf þátttöku í Self-Transcendence 2 mílna Tjarnarhlaupunum. Næst þegar betur viðrar er Oddur afar líklegur til að bæta sig.

Hinsvegar var hörð keppni um 3. sætið og þar öttu þeir kappi félagarnir Víðir og Upajukta. Víðir var á undan allan tímann og kom þannig í mark, en ekki munaði það miklu; aðeins 5 sekúndur skildu kappana að. Við fáum vonandi að sjá meira af þessu milli þessara góðu félaga.

Úrslit:

Snatak 12:35 (6:19)
Oddur 14:38 (7:13)
Víðir 15:41 (7:42)
Upajukta 15:47 (7:45)

View full article »

Document Actions

Tjarnarhlaup 31. október

page created by David Sigurgeirsson — last modified 2007-06-27 05:32 AM

Near record turnout in the icelandic 2 mile race in a cold but beautiful afternoon

Það mættu 21 hlaupari til leiks í hinu vikulega Sri Chinmoy Tjarnarhlaupi þann 31. október og hefur það bara gerst einu sinni áður að fleiri hafi mætt til leiks en það gerðist einmitt þann 3. október þegar 30 hlauparar tóku þátt.

Líkt og í síðustu viku þá sigraði Kári Logason nokkuð örugglega en var þó aðeins frá sigurtímanum í síðustu viku enda ekki auðvelt að bæta sig í hverri viku.

Svo var það hún Halla Þorvaldsdóttir sem sigraði kvennaflokkinn mjög örugglega en hún var með skemmtilega andlitsmálningu í hlaupinu sem gaf ákveðna stemmningu í myrkrinu.

Úrslit karlaflokki:

Kári Logason 12:02
Kristinn Hreiðarsson 12:21
Óskar Sölvason 12:31
Ágúst Geir Ágústsson 12:37
Hartmann Bragason 12:46
Gunnar Örn Arnarsson 12:54
Upajukta Ágústsson 13:42
Már Thorsteinsson 14:28
Gísli Vilberg Hjaltason 14:48
Ragnar Guðjónsson 15:06
Már Karlsson 15:07
Jón Gunnar Björnsson 16:26
Bjarni Magnús Erlendsson 16:27
Kjartan Þórisson 16:28
Erlendur Pálsson 16:31
Haukur Bergsteinsson 20:19

Úrslit kvennaflokki:

Halla Þorvaldsdóttir 14:13
Katrín Sif Stefánsdóttir 14:57
Hildur Arnarsdóttir 16:39
Gunnhildur Sigurðardóttir 17:45
Anna Kristjánsdóttir 17:46

View full article »

Einn Íslendingur var meðal hlaupara í vikulegu Self-Transcendence 2 mílna hlaupi í New York, laugardaginn 16. apríl

English

Fleiri myndir hér
More pictures here

Það vildi svo til að fjöldi meðlima úr Íslandsdeild Sri Chinmoy maraþonliðsins var staddur í New York fyrir ekki allt svo löngu til að taka þátt í upphafi World-Harmony hlaupsins, laugardaginn 16. apríl síðastliðinn.

Stofnandi World-Harmony hlaupsins, Sri Chinmoy, er einnig stofnandi hins alþjóðlega Sri Chinmoy maraþonliðs, sem kunnugt er, en maraþonliðið stendur fyrir fjölda annarra viðburða. Þar á meðal eru vikuleg Self-Transcendence 2 mílna hlaup á laugardagsmorgnum.

Einn úr íslensku sendinefndinni, Upajukta Ágústsson, gerði sér lítið fyrir og tók þátt í hlaupinu og stóð sig garplega, eins og hans er von og vísa.

Því miður glötuðust úrslit úr hlaupinu við ferðalagið heim yfir Atlantshafið, en ef til vill er það hlutaðeigandi fyrir bestu :)

Aftur á móti er hægt að skoða hér fjölmargar myndir sem fréttaritari þessarar síðu tók.

View full article »

Document Actions

Tjarnarhlaup 7. nóvember

page created by David Sigurgeirsson — last modified 2007-06-27 05:32 AM

Here are the latest results from the extremely popular icelandic 2 mile race.

Að þessu sinn öttu 13 hlauparar kappi í hinu vikulega Sri Chinmoy Tjarnarhlaupi, en þetta er 2 mílna hlaup sem er haldið á þriðjudagskvöldum klukkan 19:00 hjá ráðhúsi Reykjavíkur ef það skyldi hafa farið fram hjá einhverjum.

Nú líkt og svo oft áður þá varð einhver að vera fyrstur og tók Elvar Þór Karlsson það hlutverk að sér að þessu sinni. Hann var rúmri mínútu á undan næsta manni og var því sigur hans með nokkrum yfirburðum.
Elvar var víst eitt sinn spurður hvort hann æfði mikið hlaup en hann svaraði því neitandi og er mönnun því mikil ráðgáta hvar hann fær allt þetta þol.

Það var svo hún Katrín Sif Stefánsdóttir sem var fyrst í kvennaflokki og var sigur hennar aldrei í hættu því hún hélt forystu frá fyrstu mínútu.

Úrslit karlaflokki:

Elvar Þór Karlsson 11:52
Gunnar Örn Arnarsson 13:06
Árni Þór Freysteinsson 13:10
Gísli Vilberg Hjaltason 14:39
Ingi Karl Reynisson 14:46
Aðalsteinn Geirsson 15:52
Erlendur Pálsson 16:45
Guðmundur Sæmundsen 17:18
Bjarni Magnús Erlendsson 18:56

Úrslit kvennaflokki:

Katrín Sif Stefánsdóttir 15:29
Hildur Arnarsdóttir 16:46
Berglind Eva Benediktsdóttir 16:52
Hulda Guðrún Bragadóttir 23:34

View full article »

Það leit allt út fyrir að enginn hlaupari tæki þátt í tjarnarhlaupinu síðasta þriðjudag en það rættist úr því og fjórir hlauparar mættu til leiks. Aðstæður voru eins góðar og hægt er að hugsa sér á þessum árstíma, stillt veður og hægt að spegla sig í tjörninni.

Snatak kom fyrstu í mark og hefur hann nú sigrað þrjár vikur í röð, og hefur hann tekið við af Andrési sem áskrifandi af fyrsta sætinu. Snatak bætti tíma sinn frá síðustu viku um 27 sekúndur og er aldrei að vita nema Snatak haldi áfram að bæta sig á næstu vikum.

Hartmann náði öðru sæti þó svo hlaupið hafi verið byrjað þegar hann mætti, hann var þó fljótur að ná hinum köppunum og náði örugglega öðru sætinu og hljóp hann á sama tíma og síðast þegar hann hljóp í tjarnarhlaupinu.

Ágúst og Víðir öttu svo kappi um þriðja og fjórða sætið og hafði Ágúst betur í þeirri baráttu nokkuð örugglega. En þess má get að Ágúst mætti beint úr smíðavinnunni sem hann er í þessa dagana og hljóp hann nánast með hamarinn í annarri hendinni og sögina í hinni.

Úrslit:

Snatak 12:08 (6:10)
Hartmann 14:38
Ágúst 16:13 (7:45)
Víðir 16:47 (8:07)

View full article »

Aðeins tveir hlauparar mættu til leiks að þessu sinni í Self Transcendence Tjarnarhlaupinu þann 2. maí. Þetta voru þeir Upajukta og Ágúst Örn.
Þeir voru nú nokkuð jafnir fyrri hringinn en í seinni hringnum þá náði Upajukta að stinga af og hljóp á sínum besta tíma á þessu ári. Að sjálfsögðu óskum við honum til hamingju með það!

Úrslit:

Upajukta 14:45
Ágúst 16:36

View full article »

Það voru ekki margir sem bættu sig í Tjarnarhlaupinu 4. apríl en það var þó einn keppandi sem stóp uppúr hvað bætingu varðar.

Andrés sigraði að sjálfsögðu og virðist hann vera farinn að slaka heldur á enda enginn sem er nálægt því að ógna honum.
Hartmann fylgdi svo í humátt á eftir og var ekki langt frá sínum besta tíma.
Upajukta var svo fjórði og hefur hann alltaf verið á svipuðum tíma á þessu ári eða þetta rétt rúmlega 15 mínútum. Svo var Víðir á sínum stað í fjórða sæti, en tíminn hjá honum hefur verið meira á reiki og hafa menn heyrt margar afsakinir við því.

En svo var það maður dagsins án efa sem þrátt fyrir að vera í síðasta sæti þá var hann samt sigurvegari dagsins. En Ganagane bætti sinn besta tíma á þessu ári um rúmlega 1 mínútu! Ef Ganagane heldur áfram að bæta sig svona í hverju hlaupi þá verður hann farinn að ógna Andrési fyrr en varir og skulu menn ekki vanmeta Ganagane á næstunni.

Úrslit:

Andrés 13:58
Hartmann 13:23
Upajukta 15:25
Víðir 16:51
Ganagane 17:09

View full article »

Kalt og rok

Þau undur og stórmerki gerðust að kvenmaður mætti til leiks í Tjarnarhlaupið 25. október síðastliðinn, en eftir að hafa talað við elstu menn þá ku það síðast hafa gerst á árinu 2004

Annars voru úrslitin eftir bókinni, Andrés Ramon mætti aftur eftir nokkurst hlé og hljóp á 13 mínútum sléttum og sigraði örugglega. Þetta er þó nokkuð frá hans besta an þess má geta að aðstæður voru langt frá því að vera góðar, stíf norðanátt og frost.

Hartmann náði öðru sæti og bætti tíma sinn frá síðustu viku um 21 sekúndu og verður það að teljast glæsilegt þarf sem aðstæður voru mun verri núna heldur en í síðustu viku.

Upajukta varð svo þriðji nokkuð örugglega og skeiðaði í mark með sínum glæsilega hlaupastíl sem hann er heimfrægur fyrir.

Víðir og Ganagane börðust svo hatrammri baráttu um fjórða sætið og hafði Víðir betur að lokum og sýndi Ganagane engin grið enda Víðir aldrei verið þekktur fyrir neitt annað

Vegna mistaka í skráningu þá ljáðist mótshöldurum að fá nafn hjá einu konunni sem mætti til leiks og þykir þeim það miður. Viljum við byðjast afsökunar á þessum leiðu mistökum og lofum að gera þetta aldrei aftur.

Úrslit karlaflokki:

Andrés 13:00
Hartmann 14:17
Upajukta 15:46
Víðir 17:20
Ganagane 17:43

Úrslit kvennaflokki:

Kristbjörg 16:31

View full article »

Það var loksins krýndur nýr sigurvegari í Self Transcendens Tjarnarhlaupinu þann 7. mars síðastliðinn.

Að þessu sinni var það Upajukta Ágústsson sem nýtti sér fjarveru Andrésar Ramon og sigraði nokkuð örugglega þrátt fyrir harða baráttu í byrjun.

Strax í byrjun hlaupsins tók Víðir forystuna og og leiddi hópinn lengst af í fyrri hring. Þarna héldu menn að loksins væri tími Víðis kominn og að hann myndi sigra hlaupið örugglega. Annað kom þó á daginn og sprakk Víðir áður en hlaupið var hálfnað og endaði að lokum í síðasta sæti. Við vonum bara að Víðir láti þetta ekki á sig fá í næsta hlaupi og haldi áfram að koma á óvart.

Annars gerðist það helst að Ágúst náði að bæta tíma sinn verulega frá síðasta hlaupi og virðist sem það hafi bara verið létt upphitun, það er því spurning hvað hann gerir í framtíðinni

Úrslit:

Upajukta 15:05
Ágúst 16:17
Einar 16:24
Ágúst 16:58

View full article »

Það var góða mæting í Tjarnarhlaupinu 29. nóvember en alls mættu 5 hlauparar til leiks. Mátti þar meðal annars sjá þá Andrés Ramon og Rúnar Pál en þeir hafa ekki sést svo lengi sem elstu menn muna, en ásstæðan fyrir því er að Rúnar var að hlaupa í Vináttuhlaupinu í september og október og Andrés hefur verið upptekinn við nám.

Það fór líka svo að þeir félagar börðust um fyrsta sætið enda báðir í feiknagóðu formi um þessar mundir. Reyndar voru uppi vangaveltur um hvort Rúnar Páll hefði þjófstartað en eftir mikið japl jaml og fuður þá var ákveðið að líta framhjá því að þessu sinni, því þrátt fyrir að hafa lagt af stað á undan hinum þá náði Andrés að sigra nokkuð örugglega og verður Rúnar því að finna uppá einhverjum öðrum bellibrögðum ef hann ætlar sér sigur næst.

Hartmann varð svo þriðji á ágætis tíma en hann hafði einmitt sett persónulegt met í síðustu viku en mátti sætta sig við aðeins lakari tíma að þessu sinni, enda er ekki auðvelt að bæta sig í hverri viku og er það líka heimspeki Sri Chinmoy að betra er að bæta sig hægt og rólega.

Keppnin um fjórða sætið var þó langmest spennandi en það voru þeir félagar og bumbubræður Víðir og Upajukta sem háðu harða en heiðarlega baráttu. Víðir var á undan Upajukta nærri því allt hlaupið en Upajukta náði að læða sér framúr á endasprettinum. Kenndi Víðir um miklum verkjum í meltingafærum sínum því að hann hefði misst Upajukta framúr sér og tökum við þá afsökun góða og gilda eins og allar aðrar sem Víðir kemur með.

Svo má ekki gleyma senuþjófi kvöldsins, en það var hann Ágúst Örn sem kom færandi hendi með pizzur handa keppendum og vakti það mikla lukku allra þeirra sem voru viðstaddir.

Úrslit karlaflokki:

Andrés 12:47
Rúnar Páll 13:12
Hartmann 14:21
Upajukta 15:24
Víðir 15:40

View full article »

Annað skiptið í röð þá mættu aðeins tveir hlauparar í Tjarnarhlaupið víðfræga.
En þó það hafi ekki verið margir hlauparar þá verður þetta að teljast eitt mest spennandi hlaup sem farið hefur fram norðan alpafjalla.

Þetta voru þeir Hartmann og Upajukta en þeir nánast héldust í hendur allt hlaupið og komu í mark á nákvæmlega sama tíma.
Þess má þó geta að Hartmann var ekki heill heilsu en hann þjáðist af kvefi sökum frjókorna í lofti.

Upajukta hinsvegar var í fullu fjöri og bætti sinn besta tíma á þessu ári aðra vikuna í röð!
Það er því nokkuð ljóst að stífar æfingar undanfarin misseri eru farin að skila sér.

Úrslit:

Hartmann 14:33
Upajukta 14:33

View full article »

Aldrei þessu vant þá öttu nákvæmlega þrír hlauparar kappi í Tjarnarhlaupinu þann 30. maí.

Var þetta með mest spennandi hlaupum sem hafa farið fram lengi en þetta voru allt mjög jafnir hlauparar og var ómögulegt að spá fyrir um hver færi með sigur af hólmi.

Það fór þó svo að Brynjar kom fyrstur í mark aðeins tíu sekúndum á undan Suren sem varð annar sem varð svo hins vegar tíu sekúndum á undar Gústa sem rak lestina en þarf þó lítið að skammast sín fyrir það.

Úrslit:

Brynjar 14:23
Suren 14:33
Ágúst 14:43

View full article »

Eftir að hafa tekið sér frí í síðasta hlaupi þá mætti Andrés Ramon í Tjarnarhlaupið á nýjan leik og sigraði örugglega einsog fyrri daginn.
Andrés var þó nokkuð frá besta tíma sínum á þessu ári, enda er ekki auðvelt að bæta sig í hvert skipti.

Baráttan um annað sætið var lengi vel mjög hörð á milli Brynjars, Upajukta og Víðis, en á lokakaflanum þá tók Brynjar á mikinn sprett og stakk þá búðingsbræður af án þess að hafa mikið fyrir því.

Víðir byrjaði hlaupið reyndar í miklum ham einsog hann er að verða frægur fyrir en gaf svo heldur mikið eftir á lokakaflanum, og var hann næstum búinn að missa Einar framúr sér en Einar er afar reyndur hlaupari sem kann eflaust einhver brögð til að klekkja á keppinautunum.

Síðastur en alls ekki sístur var svo Ganagane en hann mætti í nýjum skóm og einnig nýjum forláta hlaupagalla og lýsti því yfir að það yrði ekki langt í það hann færi að berjast um efstu sætin og menn skyldu því allsekki vanmeta Ganagane í framtíðinni.

Úrslit:

Andrés 11:45
Brynjar 14:39
Upajukta 15:14
Víðir 16:05
Einar 16:20
Ganagane 18:37

View full article »

Víðir Sigurðsson breytti um viðhorf og setti nýtt persónulegt met í Self-Transcendence Tjarnarhlaupi

English

Víðir Sigurðsson er sá hlaupari sem hefur sýnt einna mestan stöðugleika í Self-Transcendence Tjarnarhlaupunum, en það er ekki endilega gott!

Víðir hóf þátttöku í Self-Transcendence Tjarnarhlaupum þann 14. september á síðasta ári og hljóp þá á tímanum 16:09. Ágætis tími, en í raun svo ágætur að Víði veittist erfitt að bæta hann svo einhverju næmi.

Víðir setti persónulegt met sitt, 15:52, þann mikla metdag 12. október, en svo var eins og allt hrykki í baklás - það var sama hvað Víðir reyndi, honum tókst ekki að slá þetta met.

Frá og með 2. nóvember á síðasta ári til og með 17. maí á þessu ári, ef undan er skilið hlaupið 16. nóvember þegar hlaupið var í fannfergi, lentu allir tímar Víðis á 40 sekúndna bili frá 16:07 (8. mars) til 16:47 (2. nóvember). Segja má að á þessu tímabili hafi Víðir verið sá hlaupari sem sýndi mestan stöðugleika, en það er ekki endilega gott, í það minnsta ekki ef maður hefur hæfileika til að bæta sig. Og Víðir hefur hæfileikann til að bæta sig, það sannaði hann í hlaupinu 24. maí þegar hann hljóp á nýju og glæsilegu meti; 15:02.

Víðir sagði í viðtali eftir hlaupið að nú yrði ekki aftur snúið. Hann væri búinn að komast að því að það væri mun skemmtilegra að hlaupa hratt en hægt. Að hlaupa hratt væri vissulega erfitt, en það væri líka skemmtilegt og maður fyndi laun erfiðisins. Að hlaupa hægt væri bara erfitt og ekki skemmtilegt.

Svo mörg orð voru það. Víðir virðist vera búinn að finna hlauparann í sér og ætlar sér nú að ná árangri. Hann hefur þegar gefið það út að næsta markmið sé að fara undir 15 mín. og honum ætti ekki að verða skotaskuld úr því.

En hvernig sem Víði vegnar þá er hann kominn í hóp með þeim sem hafa áttað sig á því hversu gefandi það er að vinna í eigin framförum (self-transcendence eins og Sri Chinmoy nefnir það), í þessu tilfelli á hlaupabrautinnni. Velkominn í hópinn, Víðir!

View full article »

Eftir fremur dræma þátttöku síðustu vikur þá mættu heilir sex hlauparar til leiks í Tjarnarhlaupinu þriðjudaginn 16. maí.
Þetta mun vera u.þ.b. 300% aukning frá síðasta hlaupi ef útreikningar eru réttir.

Það var auðvitað Andrés sem sigraði örugglega en Hartmann sem var í öðru sæti er þó aðeins farinn að nálgast Andrés og er aldrei að vita hvað gerist seinna í sumar, en Hartmann hljóp á sínum besta tíma í þessu hlaupi.

Nú Brynjar stal svo öðru sætinu af Upajukta með því að stinga sér framúr á síðustu metrunum en Upajukta er þekktur fyrir að tapa á lokasprettinum og eru fræg einvígi hans við Davíð fyrir nokkrum árum en hann hefur reyndar ekki sést lengi og gengur sú saga að Davíð forðist aöll hlaup sem heitan eldinn.

Svo má reyndar ekki gleyma Gangane sem mætti aftur eftir nokkurt hlé og kom mönnum nokkuð á óvart með því að ná góðum tíma, en það voru flestir búnir að afskrifa hann fyrir hlaupið.

Úrslit:

Andrés 12:03
Hartmann 13:03
Brynjar 14:45
Upajukta 14:48
Gangane 16:28
Ágúst 19:46

View full article »

Sri Chinmoy Maraþonliðið

Search form

Fréttir

English

Sri Chinmoy

Næsti viðburður:

Fleiri viðburðir

Annarstaðar í heiminum

Latest results:

Previous races

Úrslit annarstaðar í heiminum

Sri Chinmoy Marathon Team articles

Tjarnarhlaup 26. september

Fótboltafár

Tjarnarhlaup 8. nóvember

Tjarnarhlaup 3. október

Document Actions

Tjarnarhlaup 3. október

Self-transcendence maraþon

Tjarnarhlaup 11. október

Tjarnarhlaup 31. október

Document Actions

Tjarnarhlaup 31. október

Íslendingur hleypur í New York

Tjarnarhlaup 7. nóvember

Document Actions

Tjarnarhlaup 7. nóvember

Tjarnarhlaup 18. október

Tjarnarhlaup 2. maí

Tjarnarhlaup 4. apríl

Tjarnarhlaup 25. október

Tjarnarhlaup 7. mars

Tjarnarhlaup 29. nóvember

Tjarnarhlaup 9. maí

Tjarnarhlaup 30. maí

Tjarnarhlaup 14. mars

Hlaupari kemur fram

Tjarnarhlaup 16. maí