Fréttir

Sri Chinmoy maraþonliðsmaðurinn Nirbhasa Magee vann Haustmaraþonið

About the author:

Nirbhasa is from Ireland. He is an enthusiastic multi-day runner, having completed four times the Sri Chinmoy Self-Transcendence 3100 Mile Race - the longest race in the world.

Nirbhasa Magee, félagsmaður í Sri Chinmoy maraþonliðinu, vann haustmaraþon félags maraþonhlaupara 25. október síðastliðinn á tímanum 3:18 - sem er besti tími hans í nokkur ár.

Maraþonið hófst kl.8 um morguninn í 2. stiga hita og myrkri. Fleiri tóku þátt í hálfu maraþoni sem hófst tveimur tímum síðar.

Fyrr á þessu ári náði Nirbhasa 3. sæti í Self-Transcendence 10 daga hlaupinu í New York.

Tjarnarhlaup 7. mars



Það var loksins krýndur nýr sigurvegari í Self Transcendens Tjarnarhlaupinu þann 7. mars síðastliðinn.

Að þessu sinni var það Upajukta Ágústsson sem nýtti sér fjarveru Andrésar Ramon og sigraði nokkuð örugglega þrátt fyrir harða baráttu í byrjun.

Strax í byrjun hlaupsins tók Víðir forystuna og og leiddi hópinn lengst af í fyrri hring.  Þarna héldu menn að loksins væri tími Víðis kominn og að hann myndi sigra hlaupið örugglega.  Annað kom þó á daginn og sprakk Víðir áður en hlaupið var hálfnað og endaði að lokum í síðasta sæti.  Við vonum bara að Víðir láti þetta ekki á sig fá í næsta hlaupi og haldi áfram að koma á óvart.

Annars gerðist það helst að Ágúst náði að bæta tíma sinn verulega frá síðasta hlaupi og virðist sem það hafi bara verið létt upphitun, það er því spurning hvað hann gerir í framtíðinni

Úrslit:

  1. Upajukta 15:05
  2. Ágúst 16:17
  3. Einar 16:24
  4. Ágúst 16:58

Sunnudagsskokk halda áfram

Þrír hlupu Self-Transcendence skemmtiskokk á sunnudegi, 27. febrúar síðastliðinn
English

Skokkararnir í Sri Chinmoy maraþonliðinu láta engan bilbug á sér finna; það sást sunnudaginn síðastliðna, 27. febrúar, þegar annað opinbera Self-Transcendence skemmtiskokk á sunnudegi fór fram.

Þrír tóku þátt að þessu sinni, Rúnar Páll og systurnar Kristbjörg og Selma, en þau voru öll með fyrir viku.  Einungis vantaði Suballabha frá því síðast.  Hann mætti reyndar í Laugardalinn reiðubúinn að hlaupa, en var þá kallaður frá í mikilvæga erindagjörð.

Hlaupinn var hinn hefðbundni 2 km hringur að þessu sinni og enn er ekki farið að mæla opinbera tíma, enda er á þessari stundu ekki víst hvort af því verði.  Sunnudagsskokkið er öllu óformlegra en Self-Transcendence 2 mílna Tjarnarhlaupið og ef til vill er bara ágætt að halda því þannig, í það minnsta upp á tilbreytinguna að gera.

Tjarnarhlaup 11. október
Kuldi, hvassviðri og náttúrulega myrkur, settu svip sinn á Self-Transcendence Tjarnarhlaupið 11. október síðastliðinn.

Það var þó engan bilbug á hlaupurunum að finna.  Aðstæður voru vitanlega ekki fullkomnar og litu því engin ný met dagsins ljós.  En menn eru ekki í þessum hlaupum bara til að bæta metin sín, heldur til að hlaupa í góðum félagsskap og iðka þá list að gefast aldrei upp, en það er atriði sem skipar veglegan sess í heimspeki Sri Chinmoy.

Hvað um það.  Snatak var mættur aftur til leiks og kom langfyrstur í mark.  Hugsanlega saknaði hann Andrésar, sem veitti honum verðuga keppni fyrir tveimur vikum, því tími Snataks var meira en hálfri mínútu verri nú.

Í fjarveru Andrésar tryggði Oddur sér annað sætið örugglega, en Oddur hefur verið að hlaupa á afar traustum tímum síðan hann hóf þátttöku í Self-Transcendence 2 mílna Tjarnarhlaupunum.  Næst þegar betur viðrar er Oddur afar líklegur til að bæta sig.

Hinsvegar var hörð keppni um 3. sætið og þar öttu þeir kappi félagarnir Víðir og Upajukta.  Víðir var á undan allan tímann og kom þannig í mark, en ekki munaði það miklu; aðeins 5 sekúndur skildu kappana að.  Við fáum vonandi að sjá meira af þessu milli þessara góðu félaga.

Úrslit:
  1. Snatak 12:35 (6:19)
  2. Oddur 14:38 (7:13)
  3. Víðir 15:41 (7:42)
  4. Upajukta 15:47 (7:45)

Tjarnarhlaup 9. maí



Annað skiptið í röð þá mættu aðeins tveir hlauparar í Tjarnarhlaupið víðfræga.
En þó það hafi ekki verið margir hlauparar þá verður þetta að teljast eitt mest spennandi hlaup sem farið hefur fram norðan alpafjalla.

Þetta voru þeir Hartmann og Upajukta en þeir nánast héldust í hendur allt hlaupið og komu í mark á nákvæmlega sama tíma. 
Þess má þó geta að Hartmann var ekki heill heilsu en hann þjáðist af kvefi sökum frjókorna í lofti.

Upajukta hinsvegar var í fullu fjöri og bætti sinn besta tíma á þessu ári aðra vikuna í röð!
Það er því nokkuð ljóst að stífar æfingar undanfarin misseri eru farin að skila sér.


Úrslit:

  1. Hartmann 14:33
  2. Upajukta 14:33

Tjarnarhlaup 18. október
Það leit allt út fyrir að enginn hlaupari tæki þátt í tjarnarhlaupinu síðasta þriðjudag en það rættist úr því og fjórir hlauparar mættu til leiks.  Aðstæður voru eins góðar og hægt er að hugsa sér á þessum árstíma, stillt veður og hægt að spegla sig í tjörninni.

Snatak kom fyrstu í mark og hefur hann nú sigrað þrjár vikur í röð, og hefur hann tekið við af Andrési sem áskrifandi af fyrsta sætinu.  Snatak bætti tíma sinn frá síðustu viku um 27 sekúndur og er aldrei að vita nema Snatak haldi áfram að bæta sig á næstu vikum.

Hartmann náði öðru sæti þó svo hlaupið hafi verið byrjað þegar hann mætti, hann var þó fljótur að ná hinum köppunum og náði örugglega öðru sætinu og hljóp hann á sama tíma og síðast þegar hann hljóp í tjarnarhlaupinu.
 
Ágúst og Víðir öttu svo kappi um þriðja og fjórða sætið og hafði Ágúst betur í þeirri baráttu nokkuð örugglega.  En þess má get að Ágúst mætti beint úr smíðavinnunni sem hann er í þessa dagana og hljóp hann nánast með hamarinn í annarri hendinni og sögina í hinni.

Úrslit:
  1. Snatak 12:08 (6:10)
  2. Hartmann 14:38
  3. Ágúst 16:13 (7:45)
  4. Víðir 16:47 (8:07)

Tjarnarhlaup 14. mars



Eftir að hafa tekið sér frí í síðasta hlaupi þá mætti Andrés Ramon í Tjarnarhlaupið á nýjan leik og sigraði örugglega einsog fyrri daginn.
Andrés var þó nokkuð frá besta tíma sínum á þessu ári, enda er ekki auðvelt að bæta sig í hvert skipti. 

Baráttan um annað sætið var lengi vel mjög hörð á milli Brynjars, Upajukta og Víðis, en á lokakaflanum þá tók Brynjar á mikinn sprett og stakk þá búðingsbræður af án þess að hafa mikið fyrir því.

Víðir byrjaði hlaupið reyndar í miklum ham einsog hann er að verða frægur fyrir en gaf svo heldur mikið eftir á lokakaflanum, og var hann næstum búinn að missa Einar framúr sér en Einar er afar reyndur hlaupari sem kann eflaust einhver brögð til að klekkja á keppinautunum.

Síðastur en alls ekki sístur var svo Ganagane en hann mætti í nýjum skóm og einnig nýjum forláta hlaupagalla og lýsti því yfir að það yrði ekki langt í það hann færi að berjast um efstu sætin og menn skyldu því allsekki vanmeta Ganagane í framtíðinni.

Úrslit:

  1. Andrés 11:45
  2. Brynjar 14:39
  3. Upajukta 15:14
  4. Víðir 16:05
  5. Einar 16:20
  6. Ganagane 18:37

Tjarnarhlaup 25. október

Kalt og rok
Þau undur og stórmerki gerðust að kvenmaður mætti til leiks í Tjarnarhlaupið 25. október síðastliðinn, en eftir að hafa talað við elstu menn þá ku það síðast hafa gerst á árinu 2004

Annars voru úrslitin eftir bókinni, Andrés Ramon mætti aftur eftir nokkurst hlé og hljóp á 13 mínútum sléttum og sigraði örugglega.  Þetta er þó nokkuð frá hans besta an þess má geta að aðstæður voru langt frá því að vera góðar, stíf norðanátt og frost.

Hartmann náði öðru sæti og bætti tíma sinn frá síðustu viku um 21 sekúndu og verður það að teljast glæsilegt þarf sem aðstæður voru mun verri núna heldur en í síðustu viku.
 
Upajukta varð svo þriðji nokkuð örugglega og skeiðaði í mark með sínum glæsilega hlaupastíl sem hann er heimfrægur fyrir.

Víðir og Ganagane börðust svo hatrammri baráttu um fjórða sætið og hafði Víðir betur að lokum og sýndi Ganagane engin grið enda Víðir aldrei verið þekktur fyrir neitt annað

Vegna mistaka í skráningu þá ljáðist mótshöldurum að fá nafn hjá einu konunni sem mætti til leiks og þykir þeim það miður.  Viljum við byðjast afsökunar á þessum leiðu mistökum og lofum að gera þetta aldrei aftur.

Úrslit karlaflokki:
  1. Andrés 13:00
  2. Hartmann 14:17
  3. Upajukta 15:46
  4. Víðir 17:20
  5. Ganagane 17:43

Úrslit kvennaflokki:
  1. Kristbjörg 16:31

Tjarnarhlaup 16. maí



Eftir fremur dræma þátttöku síðustu vikur þá mættu heilir sex hlauparar til leiks í Tjarnarhlaupinu þriðjudaginn 16. maí.
Þetta mun vera u.þ.b. 300% aukning frá síðasta hlaupi ef útreikningar eru réttir.

Það var auðvitað Andrés sem sigraði örugglega en Hartmann sem var í öðru sæti er þó aðeins farinn að nálgast Andrés og er aldrei að vita hvað gerist seinna í sumar, en Hartmann hljóp á sínum besta tíma í þessu hlaupi.

Nú Brynjar stal svo öðru sætinu af Upajukta með því að stinga sér framúr á síðustu metrunum en Upajukta er þekktur fyrir að tapa á lokasprettinum og eru fræg einvígi hans við Davíð fyrir nokkrum árum en hann hefur reyndar ekki sést lengi og gengur sú saga að Davíð forðist aöll hlaup sem heitan eldinn.

Svo má reyndar ekki gleyma Gangane sem mætti aftur eftir nokkurt hlé og kom mönnum nokkuð á óvart með því að ná góðum tíma, en það voru flestir búnir að afskrifa hann fyrir hlaupið.


Úrslit:

  1. Andrés 12:03
  2. Hartmann 13:03
  3. Brynjar 14:45
  4. Upajukta 14:48
  5. Gangane 16:28
  6. Ágúst 19:46

Tjarnarhlaup 29. nóvember


Það var góða mæting í Tjarnarhlaupinu 29. nóvember en alls mættu 5 hlauparar til leiks.  Mátti þar meðal annars sjá þá Andrés Ramon og Rúnar Pál en þeir hafa ekki sést svo lengi sem elstu menn muna, en ásstæðan fyrir því er að Rúnar var að hlaupa í Vináttuhlaupinu í september og október og Andrés hefur verið upptekinn við nám.

Það fór líka svo að þeir félagar börðust um fyrsta sætið enda báðir í feiknagóðu formi um þessar mundir.  Reyndar voru uppi vangaveltur um hvort Rúnar Páll hefði þjófstartað en eftir mikið japl jaml og fuður þá var ákveðið að líta framhjá því að þessu sinni, því þrátt fyrir að hafa lagt af stað á undan hinum þá náði Andrés að sigra nokkuð örugglega og verður Rúnar því að finna uppá einhverjum öðrum bellibrögðum ef hann ætlar sér sigur næst.
 
Hartmann varð svo þriðji á ágætis tíma en hann hafði einmitt sett persónulegt met í síðustu viku en mátti sætta sig við aðeins lakari tíma að þessu sinni, enda er ekki auðvelt að bæta sig í hverri viku og er það líka heimspeki Sri Chinmoy  að betra er að bæta sig hægt og rólega.

Keppnin um fjórða sætið var þó langmest spennandi en það voru þeir félagar og bumbubræður Víðir og Upajukta sem háðu harða en heiðarlega baráttu.  Víðir var á undan Upajukta nærri því allt hlaupið en Upajukta náði að læða sér framúr á endasprettinum.  Kenndi Víðir um miklum verkjum í meltingafærum sínum því að hann hefði misst Upajukta framúr sér og tökum við þá afsökun góða og gilda eins og allar aðrar sem Víðir kemur með.

Svo má ekki gleyma senuþjófi kvöldsins, en það var hann Ágúst Örn sem kom færandi hendi með pizzur handa keppendum og vakti það mikla lukku allra þeirra sem voru viðstaddir.

Úrslit karlaflokki:
  1. Andrés 12:47
  2. Rúnar Páll 13:12
  3. Hartmann 14:21
  4. Upajukta 15:24
  5. Víðir 15:40

Tjarnarhlaup 21. febrúar



Aðeins þrír hlauparar mættu í Tjarnarhlaupið þann 21. febrúar síðastliðinn, en þetta voru líka tryggustu keppendur hlaupsins og hafa þeir varla misst úr hlaup, sama hvað hefur bjátað á.

Það þarf svo sem ekki að koma neinum á óvart að Andrés Ramon kæmi fyrstur í mark, en það virðist enginn hafa tærnar þar sem hann hefur hælana.

Upajukta varð svo annar, á undan Víði sem varð þriðji.  Þeir félagar hafa oft háð harða keppni í tjarnarhlaupinu og þótt Upajukta hafi oftast haft betur, þá má hann hafa sig allan við svo að Víðir sjái ekki við honum.

Nú í lok hlaupsins voru svo dægurmálin rædd og keppendur gæddu sér á svokölluðum "fingrum"..


Úrslit:

  1. Andrés 12:10
  2. Upajukta 15:09
  3. Víðir 16:45

Tjarnarhlaup 30. maí



Aldrei þessu vant þá öttu nákvæmlega þrír hlauparar kappi í Tjarnarhlaupinu þann 30. maí.

Var þetta með mest spennandi hlaupum sem hafa farið fram lengi en þetta voru allt mjög jafnir hlauparar og var ómögulegt að spá fyrir um hver færi með sigur af hólmi.

Það fór þó svo að Brynjar kom fyrstur í mark  aðeins tíu sekúndum á undan Suren sem varð annar sem varð svo hins vegar tíu sekúndum á undar Gústa sem rak lestina en þarf þó lítið að skammast sín fyrir það.

Úrslit:

  1. Brynjar 14:23
  2. Suren 14:33
  3. Ágúst 14:43

Tjarnarhlaup 21. mars



Fjórir hlauparar mættu til leiks að þessu sinni og tveir þeirra bættu sinn besta tíma frá upphafi, þetta var því sannkallaður metadagur hjá Tjarnarhlaups þátttakendum að þessu sinni.

Andrés sigraði auðvitað og tekur því varla að nefna það enda hefur hann ekki tapað svo lengi sem elstu menn muna.

Það var svo Hartmann sem mætti í fyrsta sinn á þessu ári og gerði sér lítið fyrir og bætti sinn besta tíma um rúma hálfa mínútu!  Hann hafði best náð 13:55 6. desember á síðasta ári og hefur hann því tekið heimspeki Sri Chinmoy sér til fyrirmyndar hann segir að menn geti alltaf bætt sig.

Þriðji var svo brynjar og náði glæsilegum tíma en hann náði í fyrsta sinn að fara undir 14 mínútur og óskum við honum til hamingju með það.

Síðastan skal svo nefna Upajukta en hann var ekki að blanda sér í toppbaráttuna að þessu sinni.

Úrslit:

  1. Andrés 11:53
  2. Hartmann 13:19
  3. Brynjar 13:58
  4. Upajukta 15:25

Tjarnarhlaup 10. október

Document Actions

Tjarnarhlaup 10. október

page created by David Sigurgeirsson — last modified 2007-06-27 05:32 AM

Here are the results from the Sri Chinmoy 2 mile race in Reykjavik Iceland. Eleven runners finished despite strong wind and heavy rain.

hopur1

hopur1



Þrátt fyrir rok og rigningu þá létu ellefu hlauparar það ekki stoppa sig í að hlaupa Sri Chinmoy Tjarnarhlaupið þann 10. október.  Enda eru íslendingar ekki frægir fyrir að láta smá haustlægð stoppa sig í að skokka nokkur skref í kringum tjörnina.

Að þessu sinni var ekki mikið um líkt og í síðustu viku enda buðu aðstæður kannski ekki uppá það og svo verður líklega erfitt að bæta metið hans Kára Steins sem hann setti í síðustu viku.

Sigurvegari að þessu sinni var Vignar Már Lýðsson og hljóp hann á 11:32 en Vignir er aðeins 17 ára gamall og því mikið efni hér á ferð.
Annar var svo Jón Jóhannsson á 11:41 og þriðji var svo Elvar Örn Hjaltason en hann stal þriðja sætinu frá Tómasi Guðmundssyni á síðustu metrunum þrátt fyrir að Tómas gæfi sig allan í lokasprettinn þá rétt náði Elvar að vera á undan og lá Tómas óvígur á eftir.

Úrslit karlaflokki:

  1. Vignir Már Lýðsson 11:32
  2. Jón Jóhannsson 11:41
  3. Elvar Örn Hjaltason 11:46
  4. Tómas Guðmundsson 11:47
  5. Hinrik Stefánsson 12:18
  6. Annas Sigmundsson 12:53
  7. Hrólfur Gestsson 13:14
  8. Hilmar Leó Ludvigsson 14:29
  9. Arnar Þór Sævarsson 14:39
  10. Kári Tryggvason 14:52

Úrslit kvennaflokki:

  1. Fjóla Dröfn Guðmundsdóttir 15:07

Tjarnarhlaup 14. nóvember

Document Actions

Tjarnarhlaup 14. nóvember

page created by David Sigurgeirsson — last modified 2007-06-27 05:32 AM

Nine runners fought bravely against ice cold and strong north wind

mynd1_1411

mynd2_1411



Þrátt fyrir nístingskulda þá mættu 9 hlauparar til leiks í Sri Chinmoy tjarnarhlaupið þriðjudaginn 14. nóvember og létu frostið ekkert á sig fá.
En kuldinn var svo mikill að kúlupennar hættu að skrifa og norðuljósin frusu, eða svona nánast.

Annars var það hann Þórólfur Ingi sem sigraði að þessu sinni og sigraði hann í sínu fyrsta tjarnarhlaupi og óskum við honum til hamingju með það.

Svo var það Katrín Sif sem sigraði aðra vikuna í röð og verður gaman að sjá hvað sigurganga Katrínar mun endast lengi.

Úrslit karlaflokki:

  1. Þórólfur Ingi Þórsson 11:37
  2. Óskar Jakobsson 12:34
  3. Elvar Örn Hjaltason 12:35
  4. Arnar Þór Sævarsson 14:35
  5. Uffe Hjorth 14:40
  6. Már Karlsson 15:56
  7. Guðmundur Sæmundsen 17:31

Úrslit kvennaflokki:

  1. Katrín Sif Stefánsdóttir 16:20
  2. Hulda Guðrún Bragadóttir 24:48

Tjarnarhlaup 25. apríl



Það voru fimm vaskir hlauparar sem reyndu með sér í hinu víðfræga Tjarnarhlaupi síðasta þriðjudag

Úrslitin ættu svosem ekki að koma á óvart frekar en fyrridaginn en það munaði þó ekki nema 5 sekúndum á fyrsta og öðru sæti. 

Svo náði Upajukta sínum besta tíma á þessu ári og óskum við honum til hamingju með það en hann hefur verið duglegur að æfa bæði sjálfan sig sem og aðra hlaupara síðustu vikur og mánuði.

Ágúst náði svo að vera á undan Víði en þess má geta að Ágúst ætlar sér að hlaupa 7.5km í 75 daga til heiðurs afmælis Sri Chinmoy en hann verður einmitt 75 ára í ágúst.


Úrslit:

  1. Andrés 13:30
  2. Hartmann 13:35
  3. Upajukta 14:51
  4. Ágúst 16:28
  5. Víðir 16:49

Tjarnarhlaup 17. október

 
 

Kári Steinn Karlsson set a new record in the icelandic Tjarnarhlaup 2 mile race. He beat his own record by 6 seconds and ran in 9:35

tjorn1710

suren1710



 		    


 

Nýtt met var sett í Sri Chinmoy Tjarnarhlaupinu í kvöld og var það enginn annar en Kári Steinn Karlsson sem bætti eigið met um 6 sekúndur, hefur hann því bætt metið í bæði skiptin sem hann hefur keppt en hann hljóp síðast fyrir tveim vikum og bætti þá eldra metið um 1 mínútu

Metið í kvennaflokki féll einnig en það var hún Herdís Helga Arnaldsdóttir sem bætti sitt eigið met líkt og Kári Steinn og bætti hún sig um heilar 45 sekúndur og óskum við henni til hamingju með það!

Annars mættu margir góðir hlauparar að þessu sinni og var gaman að sjá svona góða tíma líta dagsins ljós.
 

Úrslit karlaflokki:

  1. Kári Steinn Karlsson 9:32
  2. Þorbergur Jónsson 10:08
  3. Þórólfur Þórsson 11:04
  4. Sigurjón Þórðarson 11:19
  5. Elvar Þór Karlsson 11:20
  6. Kári Logason 12:01
  7. Hrólfur Gestsson 12:38
  8. Kristinn Hreiðarsson 12:41
  9. Andri Már Thorvaldsen 12:43
 

Úrslit kvennaflokki:

  1. Herdís Helga Arnaldsdóttir 12:38
  2. Fjóla Dröfn Guðmundsdóttir 14:36
 

Tjarnarhlaup 28. mars



Það var ekki mikið um bætingar í Tjarnarhlaupinu 28. mars  síðastliðinn, og reyndar verður þetta að teljast með hægustu tjarnarhlaupum frá upphafi, en þetta á sér þó sínar eðlilegu skýringar.

Í fyrsta lagi þá var hiti í kringum frostmark og því ekki þægilegt að anda að sér köldu loftinu, og svo blés einnig kröftugan vind úr norðri og voru menn að tala um að í verstu hviiðunum hefði vindurinn náð allt að fjörutiu metrum á sekúndu,  en það má nú eflaust deila um það einsog svo margt annað.

Annars komu úrslitin ekki á óvart,  Andrés sigraði örugglega þrátt fyrir slakan tíma, en hann var oft við það að takast á loft þegar það blés sem mest. 
Víðir og Ganagane voru hinsegar jarðbundnari enda báðir tveir hrikalegir að burðum og klufu vindinn einsog ísbrjótar á norðurskautinu.

Úrslit:

  1. Andrés 13:22
  2. Víðir 17:18
  3. Ganagane 18:24

Tjarnarhlaup 19. september

vidir1909

runar1909



Einsog í síðustu viku þá mættu þrír hlauparar til leiks í hið víðfræga Tjarnarhlaup Sri Chinmoy maraþonliðsins en frægðarsögur þessa hlaups hafa farið víða og meðal annars alla leið til Ástralíu enda er þetta með skemmtilegustu hlaupum sem fram hafa farið frá upphafi
siðmenningar.

Það var að sjálfsögðu orkuboltinn Rúnar Páll sem mætti fremstur í flokki og eigði sigur líkt og í síðustu viku því Andrés var hvergi sjáanlegur og fór það líka svo að Rúnar sigraði á sínum besta tíma frá upphafi!  Hljóp hann á 12:10 og er hann farinn að nálgast það að komast undir 12 mínútur og gerist það vonandi á næstu vikum ef allt fer að óskum.

Svo voru það þeir Suren og Víðir sem mættu báðir í fyrsta skipti eftir sumarfrí og sýndu að þeir hafa engu gleymt. 
Þeir náðu þó ekki að veita Rúnari neina keppni enda eru menn fyrst og fremst að keppa við sjálfan sig og bæta sig persónulega í stað þess að keppa við næsta mann.


Úrslit:

  1. Rúnar 12:10
  2. Suren 13:53
  3. Víðir 17:11

Jökulsárhlaup

Snatak sigrar í fyrsta Jökulsárhlaupinu
English version

Snatak kom fyrstur í mark í Jökulsárhlaupinu, sem haldið var í fyrsta sinn laugardaginn síðastliðinn, 31. júlí.  Tími Snataks var 2 tímar, 34 mínútur og 24 sekúndur, en vegalengdin er 32,7 km.  Í öðru sæti varð Björn Halldórsson á tímanum 2.42;21 og í 3. sæti varð Andrés á 2.46;45.  Efst kvenna var Áslaug Helgadóttir á tímanum 3.12;03.  Snatak og Áslaug munu fá nafn sitt ritað á skjöld sem mun standa við innganginn að Ásbyrgi um ókomna tíð.

Aðspurður sagði Snatak að sigurinn hefði komið sér skemmtilega á óvart; hann hefði fyrst og fremst hlaupið til að hafa gaman af.  Hann bætti því við að aðstæður hefðu verið eins og best verður á kosið, sólríkt en samt svalandi andvari, og hrósaði heimamönnum fyrir umgjörðina, en sem dæmi má nefna að alls voru 9 vatnsstöðvar á leiðinni.

Hlaupið var í fallegu umhverfi þjóðgarðsins við Jökulsá á fjöllum.  Hlaupið hófst við Dettifoss, þaðan var hlaupið fram hjá Hólmatungu, inn í Vesturdal, fram hjá Hljóðaklettum og lauk svo hlaupinu í Ásbyrgi.

Það voru 8 félagar úr Sri Chinmoy maraþonliðinu sem tóku þátt í hlaupinu, en heildartala þátttakenda var 88.  Þau Snatak, Andrés, Upajukta, Ganagane og Steinunn hlupu öll í lengra hlaupinu, og komust öll í mark, en þeir Unnar Þór, Rúnar J. og Rúnar Páll hlupu styttri vegalengd, sem einnig var boðið upp á, 13,7 km, og komust allir í mark.

Þrír efstu í karlaflokki:
1.Snatak 2.34;24
2.Björn Halldórsson 2.42;21
3.Andrés 2.46;45
 
Þrjár efstu í kvennaflokki:
1.Áslaug Helgadóttir 3.12;03
2.Guðrún K. Sæmundsdóttir 3.28;24
3.Herdís Klausen 3.28;32

Heildarúrslit má finna á kelduhverfi.is

Suren slóst í för með hlaupurunum og skrifaði ferðapistil sem hægt er að lesa hér