Fréttir

Sri Chinmoy maraþonliðsmaðurinn Nirbhasa Magee vann Haustmaraþonið

About the author:

Nirbhasa is from Ireland. He is an enthusiastic multi-day runner, having completed four times the Sri Chinmoy Self-Transcendence 3100 Mile Race - the longest race in the world.

Nirbhasa Magee, félagsmaður í Sri Chinmoy maraþonliðinu, vann haustmaraþon félags maraþonhlaupara 25. október síðastliðinn á tímanum 3:18 - sem er besti tími hans í nokkur ár.

Maraþonið hófst kl.8 um morguninn í 2. stiga hita og myrkri. Fleiri tóku þátt í hálfu maraþoni sem hófst tveimur tímum síðar.

Fyrr á þessu ári náði Nirbhasa 3. sæti í Self-Transcendence 10 daga hlaupinu í New York.

Tjarnarhlaup 1. nóvember

We endlessly speculate what it is about the Bay Run which makes this course so appealing – constant proximity to water, smooth flat wide pathways, the bonhomie of morning joggers and dog-walkers… Whatever your reasons, it’s one week to Christmas – enjoy!

Park at the end of Glover St, Lilyfield. On-the-day registration opens at 6.45 am and closes at 7.55 am, with races starting from 8 am.

Enter online for this race only.

Einsog beljur á svelli
Það voru miklar hetjur sem mættu í Self-Transcendence tjarnahlaupið 1. nóvember og hlupu á svelli nánast allan tímann.  Einsog við mátti búast þá hægði þetta á flestum keppendum en samt voru sumir sem létu smá klaka ekkert á sig fá.

Einsog venjulega var það Andrés sem sigraði örugglega og bætti tíma sinn um heila sekúndu frá síðasta hlaupi.  Virðist því sem Andrés kunni bara vel við sig á svelli og í kulda.

Hubert var svo annar en hann kemur frá Salzburg í Austurríki og er hérna á íslandi í eina viku.  Þótt hann hafi ekki náð að sigra Andrés þá sýndi hann hinum íslendingunum að þeir eiga þónokkuð í land með að komast í mannsæmandi form og vonum við að menn fari að taka sig á og bæta árangur sinn enda er það heimspeki Sri Chinmoy að menn reyni ávallt að bæta sig.

Annars voru úrslitin eftir bókinni ef svo mætti segja,  Hartmann varð þriðji mjög örugglega enda varð Upajukta rúmri mínútu á eftir honum í fjórða sæti og náði aldrei að ógna Hartmann.
Víðir sigldi svo örugglega í fimmta sæti í mark á tímanum 18:43 og mun þetta víst vera einn af hans lökustu tímum sem sögur fara af.

Nú svo er það kvennaflokkurinn en þar sigraði Kristbjörg með yfirburðum enda eini keppandinn í þeim flokki.   Það væri því gaman ef fleiri konur mættu í hlaupið og hleyptu einhverri spennu í kvennaflokkinn.

Úrslit karlaflokki:
  1. Andrés 12:59
  2. Hubert 14:08
  3. Hartmann 15:08
  4. Upajukta 16:18
  5. Víðir 18:43

Úrslit kvennaflokki:
  1. Kristbjörg 17:13

Tjarnarhlaup 7. nóvember

Document Actions

Tjarnarhlaup 7. nóvember

page created by David Sigurgeirsson — last modified 2007-06-27 05:32 AM

Here are the latest results from the extremely popular icelandic 2 mile race.

mynd1071106

mynd2_071106



Að þessu sinn öttu 13 hlauparar kappi í hinu vikulega Sri Chinmoy Tjarnarhlaupi, en þetta er 2 mílna hlaup sem er haldið á þriðjudagskvöldum klukkan 19:00 hjá ráðhúsi Reykjavíkur ef það skyldi hafa farið fram hjá einhverjum.

Nú líkt og svo oft áður þá varð einhver að vera fyrstur og tók Elvar Þór Karlsson það hlutverk að sér að þessu sinni.  Hann var rúmri mínútu á undan næsta manni og var því sigur hans með nokkrum yfirburðum. 
Elvar var víst eitt sinn spurður hvort hann æfði mikið hlaup en hann svaraði því neitandi og er mönnun því mikil ráðgáta hvar hann fær allt þetta þol.

Það var svo hún Katrín Sif Stefánsdóttir sem var fyrst í kvennaflokki og var sigur hennar aldrei í hættu því hún hélt forystu frá fyrstu mínútu.

Úrslit karlaflokki:

  1. Elvar Þór Karlsson 11:52
  2. Gunnar Örn Arnarsson 13:06
  3. Árni Þór Freysteinsson 13:10
  4. Gísli Vilberg Hjaltason 14:39
  5. Ingi Karl Reynisson 14:46
  6. Aðalsteinn Geirsson 15:52
  7. Erlendur Pálsson 16:45
  8. Guðmundur Sæmundsen 17:18
  9. Bjarni Magnús Erlendsson 18:56

Úrslit kvennaflokki:

  1. Katrín Sif Stefánsdóttir 15:29
  2. Hildur Arnarsdóttir 16:46
  3. Berglind Eva Benediktsdóttir 16:52
  4. Hulda Guðrún Bragadóttir 23:34

Hlaupari kemur fram

Víðir Sigurðsson breytti um viðhorf og setti nýtt persónulegt met í Self-Transcendence Tjarnarhlaupi
English

Víðir Sigurðsson er sá hlaupari sem hefur sýnt einna mestan stöðugleika í Self-Transcendence Tjarnarhlaupunum, en það er ekki endilega gott!

Víðir hóf þátttöku í Self-Transcendence Tjarnarhlaupum þann 14. september á síðasta ári og hljóp þá á tímanum 16:09.  Ágætis tími, en í raun svo ágætur að Víði veittist erfitt að bæta hann svo einhverju næmi.

Víðir setti persónulegt met sitt, 15:52, þann mikla metdag 12. október, en svo var eins og allt hrykki í baklás - það var sama hvað Víðir reyndi, honum tókst ekki að slá þetta met.

Frá og með 2. nóvember á síðasta ári til og með 17. maí á þessu ári, ef undan er skilið hlaupið 16. nóvember þegar hlaupið var í fannfergi, lentu allir tímar Víðis á 40 sekúndna bili frá 16:07 (8. mars) til 16:47 (2. nóvember).  Segja má að á þessu tímabili hafi Víðir verið sá hlaupari sem sýndi mestan stöðugleika, en það er ekki endilega gott, í það minnsta ekki ef maður hefur hæfileika til að bæta sig.  Og Víðir hefur hæfileikann til að bæta sig, það sannaði hann í hlaupinu 24. maí þegar hann hljóp á nýju og glæsilegu meti; 15:02.

Víðir sagði í viðtali eftir hlaupið að nú yrði ekki aftur snúið.  Hann væri búinn að komast að því að það væri mun skemmtilegra að hlaupa hratt en hægt.  Að hlaupa hratt væri vissulega erfitt, en það væri líka skemmtilegt og maður fyndi laun erfiðisins.  Að hlaupa hægt væri bara erfitt og ekki skemmtilegt.

Svo mörg orð voru það.  Víðir virðist vera búinn að finna hlauparann í sér og ætlar sér nú að ná árangri.  Hann hefur þegar gefið það út að næsta markmið sé að fara undir 15 mín. og honum ætti ekki að verða skotaskuld úr því.

En hvernig sem Víði vegnar þá er hann kominn í hóp með þeim sem hafa áttað sig á því hversu gefandi það er að vinna í eigin framförum (self-transcendence eins og Sri Chinmoy nefnir það), í þessu tilfelli á hlaupabrautinnni.  Velkominn í hópinn, Víðir!

Tjarnarhlaup 6. desember


Það var margt um manninn í síðasta Tjarnarhlaupi þessa árs þriðjudaginn 6. desember og féllu mörg met þetta kvöld sem sýnir hversu góður andi var yfir hópnum og menn almennt jákvæðir.

Alls voru 7 hlaupara sem mættu til leiks og fór það svo einsog oft áður að Andrés Ramon sigraði og bætti tímann sinn um 32 sekúndur frá síðasta hlaupi.  Það er óhætt að segja að Andrés sé sigurvegari Tjarnahlaupsins á þessu ári en hann hefur nánast alltaf sigrað þegar hann hefur tekið þátt.
 
Næstu þrír hlauparar sem komu í mark settu allir persónulegt met í Tjarnarhlaupinu og óskum við þeim til hamingju með það.  Frystan skal nefna Rúnar Pál sem bætti sinn besta tíma um 7 sekúndur og fór í fyrsta skipti undir 13 mínútur.   Svo var það Hartmann sem bætti sig um 10 sekúndur en hann hafði áður átt best 14:05 og var því að hlaupa í fyrsta skipti undir 14 mínútum.  Síðust en allsekki síst var það svo hún Kristbjörg sem bætti sig um heila 1 mínútu og 40 sekúndur! Þetta er auðvitað frábær árangur og verður hún að teljast sigurvegari kvöldsins.

Þrír síðustu í mark voru svo Upajukta, Brynjar sem var að hlaupa í fyrsta skipti og Víðir rak svo lestina en eftir að hafa slegið í gegn í síðustu viku þá tók Víðir því heldur rólega núna og tölti örugglega í mark.

Þar sem þetta var síðasta Tjarnarhlaupið á þessu ári þá voru veglegar veitingar í lok hlaups og mátti þar sjá Pizzur, heitt kakó, súkkulaði og ýmislegt fleira góðgæti og tók fólk vel til matar síns enda flestir búnir að vinna fyrir því að þessu sinni.

Úrslit karlaflokki:
  1. Andrés 12:15
  2. Rúnar Páll 12:53
  3. Hartmann 13:55
  4. Upajukta 15:11
  5. Brynjar 15:35
  6. Víðir 16:51

Úrslit í kvennaflokki:
  1. Kristbjörg 14:51

Tjarnarhlaup 2. maí



Aðeins tveir hlauparar mættu til leiks að þessu sinni í Self Transcendence Tjarnarhlaupinu þann 2. maí.  Þetta voru þeir Upajukta og Ágúst Örn.
Þeir voru nú nokkuð jafnir fyrri hringinn en í seinni hringnum þá náði Upajukta að stinga af og hljóp á sínum besta tíma á þessu ári.  Að sjálfsögðu óskum við honum til hamingju með það!


Úrslit:

  1. Upajukta 14:45
  2. Ágúst 16:36

Sunnudagsskokk hefjast

Fyrsta formlega Self-Transcendence skemmtiskokk á sunnudegi fór fram sunnudaginn 20. febrúar. Fjórir tóku þátt og hlupu 2 km
English

Meðlimir Sri Chinmoy maraþonliðsins hafa nú um nokkra hríð verið að hittast á sunnudögum til að skokka saman.

Skemmtiskokk þessi hafa verið skemmtilegt innlegt inn í hlaupaumræðuna og því gerði fréttaritari srichinmoyraces.org/is sér ferð á hlaupið síðasta sunnudag.  Það má því segja að hlaupið síðasta sunnudag hafi verið fyrsta formlega sunnudagsskokkið.

Self-Transcendence skemmtiskokk á sunnudögum er ávallt hlaupið í Laugardalnum og hefst upp úr kl.12. 

Hlaupið er frá innganginum að Laugardalslaug og þar er líka endað.  Síðastliðinn sunnudag var hlaupið í gegnum tjaldstæðin og grasagarðinn og til baka fyrir ofan Laugardalsvöllinn. Þessi hringur er 2 km.  Reyndar var rætt um að breyta leiðinni, enda eru sunnudagsskokkin enn að þróast og breytast og hafa ekki náð sinni endanlegu mynd.

Jafnframt var ekki tekinn formlegur tími á hlaupurunum síðasta sunnudag, en það kann líka að breytast.

Fjögur tóku þátt síðasta sunnudag, systurnar Kristbjörg og Selma, aldursforsetinn Suballabha, sem einnig er skipuleggjandi hlaupanna og Rúnar Páll, en hann hefur getið sér gott orð fyrir frammistöðu sína í Self-Transcendence 2 mílna Tjarnarhlaupunum.  Vinnu sinnar vegna á Rúnar erfitt með að komast í Tjarnarhlaupin og því eru sunnudagsskokkin tilvalin fyrir hann.

Tjarnarhlaup 8. nóvember


Það voru tvö hörkutól sem mættu í Tjarnarhlaup 8. nóvember síðastliðinn og stóðu sig einsog hetjur.
Þetta voru þeir Víðir og Upajukta sem eru þekktir fyrir að kalla ekki allt ömmu sína enda mikil heljarmenni þarna á ferð.

Víðir byrjaði á því að leiða hlaupið en þegar langt var liðið á fyrsta hring náði Upajukta að skjóta sér framúr og hélt forystunni allt til enda.
Tímarnir voru kannski ekki til að hrópa húrra fyrir en haft var eftir þeim köppum eftir hlaupið að mikil ísing á leiðinni hefði leitt til þess að hægja þurfti verulega á ferðinni og því hafi þeir ekki náð að halda fullu stími alla leiðina.  Svo gekk sú saga eftir hlaupið að Víðir hefði borðað nokkur súkkulaðistykki rétt fyrir hlaupið og því ekki verið eins léttur á fæti oh hann hefði kosið.

Annars höfðu bæði hlauparar og mótshaldarar bæði gagn og gaman af þessu hlaupi og voru heimsmálin rædd langt frameftir kvöldi að hlaupi loknu.

Úrslit karlaflokki:
  1. Upajukta 15:36
  2. Víðir 17:56

Tjarnarhlaup 4. apríl



Það voru ekki margir sem bættu sig í Tjarnarhlaupinu 4. apríl en það var þó einn keppandi sem stóp uppúr hvað bætingu varðar.

Andrés sigraði að sjálfsögðu og virðist hann vera farinn að slaka heldur á enda enginn sem er nálægt því að ógna honum. 
Hartmann fylgdi svo í humátt á eftir og var ekki langt frá sínum besta tíma.
Upajukta var svo fjórði og hefur hann alltaf verið á svipuðum tíma á þessu ári eða þetta rétt rúmlega 15 mínútum.   Svo var Víðir á sínum stað í fjórða sæti, en tíminn hjá honum hefur verið meira á reiki og hafa menn heyrt margar afsakinir við því.

En svo var það maður dagsins án efa sem þrátt fyrir að vera í síðasta sæti þá var hann samt sigurvegari dagsins.  En Ganagane bætti sinn besta tíma á þessu ári um rúmlega 1 mínútu!  Ef Ganagane heldur áfram að bæta sig svona í hverju hlaupi þá verður hann farinn að ógna Andrési fyrr en varir og skulu menn ekki vanmeta Ganagane á næstunni.

Úrslit:

  1. Andrés 13:58
  2. Hartmann 13:23
  3. Upajukta 15:25
  4. Víðir 16:51
  5. Ganagane 17:09

Stelpur í stuði

Þrjár kjarnakonur skokka Self-Transcendence skemmtiskokk á sunnudaginn 20. mars.



 English

 

Það voru þrjár kjarnakonur sem héldu uppi heiðri skokkaranna í Sri Chinmoy maraþonliðinu sunnudaginn síðasta, 20. mars - pálmasunnudag.  Þær Pujarini, Steinunn og Viktoría létu það ekki á sig fá þó vindurinn blési aðeins og kul væri í lofti, heldur skokkuðu af öryggi og höfðu gaman af.

 

Þessar valkyrjur kalla nú heldur ekki allt ömmu sína og nægir að nefna hetjudáðir Viktoríu sem hefur synt fjölda sjósunda, þar á meðal Breiðafjarðarsund.

 

Það er nú samt von fréttaritara að strákarnir láti ekki sitt eftir liggja og taki þátt í næsta skemmtiskokki, þó vissulega geti það fyllt hvern mann lotningu að skokka með þessum kjarnakonum.  Á sama hátt eru stelpurnar hvattar til að stíga niður af sínum goðumlíka stalli og taka þátt í Self-Transcendence 2 mílna Tjarnarhlaupinu, en þar hefur engin kona hlaupið síðan 12. október 2004.

Tjarnarhlaup 11. október
Kuldi, hvassviðri og náttúrulega myrkur, settu svip sinn á Self-Transcendence Tjarnarhlaupið 11. október síðastliðinn.

Það var þó engan bilbug á hlaupurunum að finna.  Aðstæður voru vitanlega ekki fullkomnar og litu því engin ný met dagsins ljós.  En menn eru ekki í þessum hlaupum bara til að bæta metin sín, heldur til að hlaupa í góðum félagsskap og iðka þá list að gefast aldrei upp, en það er atriði sem skipar veglegan sess í heimspeki Sri Chinmoy.

Hvað um það.  Snatak var mættur aftur til leiks og kom langfyrstur í mark.  Hugsanlega saknaði hann Andrésar, sem veitti honum verðuga keppni fyrir tveimur vikum, því tími Snataks var meira en hálfri mínútu verri nú.

Í fjarveru Andrésar tryggði Oddur sér annað sætið örugglega, en Oddur hefur verið að hlaupa á afar traustum tímum síðan hann hóf þátttöku í Self-Transcendence 2 mílna Tjarnarhlaupunum.  Næst þegar betur viðrar er Oddur afar líklegur til að bæta sig.

Hinsvegar var hörð keppni um 3. sætið og þar öttu þeir kappi félagarnir Víðir og Upajukta.  Víðir var á undan allan tímann og kom þannig í mark, en ekki munaði það miklu; aðeins 5 sekúndur skildu kappana að.  Við fáum vonandi að sjá meira af þessu milli þessara góðu félaga.

Úrslit:
  1. Snatak 12:35 (6:19)
  2. Oddur 14:38 (7:13)
  3. Víðir 15:41 (7:42)
  4. Upajukta 15:47 (7:45)

Tjarnarhlaup 7. mars



Það var loksins krýndur nýr sigurvegari í Self Transcendens Tjarnarhlaupinu þann 7. mars síðastliðinn.

Að þessu sinni var það Upajukta Ágústsson sem nýtti sér fjarveru Andrésar Ramon og sigraði nokkuð örugglega þrátt fyrir harða baráttu í byrjun.

Strax í byrjun hlaupsins tók Víðir forystuna og og leiddi hópinn lengst af í fyrri hring.  Þarna héldu menn að loksins væri tími Víðis kominn og að hann myndi sigra hlaupið örugglega.  Annað kom þó á daginn og sprakk Víðir áður en hlaupið var hálfnað og endaði að lokum í síðasta sæti.  Við vonum bara að Víðir láti þetta ekki á sig fá í næsta hlaupi og haldi áfram að koma á óvart.

Annars gerðist það helst að Ágúst náði að bæta tíma sinn verulega frá síðasta hlaupi og virðist sem það hafi bara verið létt upphitun, það er því spurning hvað hann gerir í framtíðinni

Úrslit:

  1. Upajukta 15:05
  2. Ágúst 16:17
  3. Einar 16:24
  4. Ágúst 16:58

Sunnudagsskokk halda áfram

Þrír hlupu Self-Transcendence skemmtiskokk á sunnudegi, 27. febrúar síðastliðinn
English

Skokkararnir í Sri Chinmoy maraþonliðinu láta engan bilbug á sér finna; það sást sunnudaginn síðastliðna, 27. febrúar, þegar annað opinbera Self-Transcendence skemmtiskokk á sunnudegi fór fram.

Þrír tóku þátt að þessu sinni, Rúnar Páll og systurnar Kristbjörg og Selma, en þau voru öll með fyrir viku.  Einungis vantaði Suballabha frá því síðast.  Hann mætti reyndar í Laugardalinn reiðubúinn að hlaupa, en var þá kallaður frá í mikilvæga erindagjörð.

Hlaupinn var hinn hefðbundni 2 km hringur að þessu sinni og enn er ekki farið að mæla opinbera tíma, enda er á þessari stundu ekki víst hvort af því verði.  Sunnudagsskokkið er öllu óformlegra en Self-Transcendence 2 mílna Tjarnarhlaupið og ef til vill er bara ágætt að halda því þannig, í það minnsta upp á tilbreytinguna að gera.

Tjarnarhlaup 18. október
Það leit allt út fyrir að enginn hlaupari tæki þátt í tjarnarhlaupinu síðasta þriðjudag en það rættist úr því og fjórir hlauparar mættu til leiks.  Aðstæður voru eins góðar og hægt er að hugsa sér á þessum árstíma, stillt veður og hægt að spegla sig í tjörninni.

Snatak kom fyrstu í mark og hefur hann nú sigrað þrjár vikur í röð, og hefur hann tekið við af Andrési sem áskrifandi af fyrsta sætinu.  Snatak bætti tíma sinn frá síðustu viku um 27 sekúndur og er aldrei að vita nema Snatak haldi áfram að bæta sig á næstu vikum.

Hartmann náði öðru sæti þó svo hlaupið hafi verið byrjað þegar hann mætti, hann var þó fljótur að ná hinum köppunum og náði örugglega öðru sætinu og hljóp hann á sama tíma og síðast þegar hann hljóp í tjarnarhlaupinu.
 
Ágúst og Víðir öttu svo kappi um þriðja og fjórða sætið og hafði Ágúst betur í þeirri baráttu nokkuð örugglega.  En þess má get að Ágúst mætti beint úr smíðavinnunni sem hann er í þessa dagana og hljóp hann nánast með hamarinn í annarri hendinni og sögina í hinni.

Úrslit:
  1. Snatak 12:08 (6:10)
  2. Hartmann 14:38
  3. Ágúst 16:13 (7:45)
  4. Víðir 16:47 (8:07)

Tjarnarhlaup 9. maí



Annað skiptið í röð þá mættu aðeins tveir hlauparar í Tjarnarhlaupið víðfræga.
En þó það hafi ekki verið margir hlauparar þá verður þetta að teljast eitt mest spennandi hlaup sem farið hefur fram norðan alpafjalla.

Þetta voru þeir Hartmann og Upajukta en þeir nánast héldust í hendur allt hlaupið og komu í mark á nákvæmlega sama tíma. 
Þess má þó geta að Hartmann var ekki heill heilsu en hann þjáðist af kvefi sökum frjókorna í lofti.

Upajukta hinsvegar var í fullu fjöri og bætti sinn besta tíma á þessu ári aðra vikuna í röð!
Það er því nokkuð ljóst að stífar æfingar undanfarin misseri eru farin að skila sér.


Úrslit:

  1. Hartmann 14:33
  2. Upajukta 14:33

Tjarnarhlaup 25. október

Kalt og rok
Þau undur og stórmerki gerðust að kvenmaður mætti til leiks í Tjarnarhlaupið 25. október síðastliðinn, en eftir að hafa talað við elstu menn þá ku það síðast hafa gerst á árinu 2004

Annars voru úrslitin eftir bókinni, Andrés Ramon mætti aftur eftir nokkurst hlé og hljóp á 13 mínútum sléttum og sigraði örugglega.  Þetta er þó nokkuð frá hans besta an þess má geta að aðstæður voru langt frá því að vera góðar, stíf norðanátt og frost.

Hartmann náði öðru sæti og bætti tíma sinn frá síðustu viku um 21 sekúndu og verður það að teljast glæsilegt þarf sem aðstæður voru mun verri núna heldur en í síðustu viku.
 
Upajukta varð svo þriðji nokkuð örugglega og skeiðaði í mark með sínum glæsilega hlaupastíl sem hann er heimfrægur fyrir.

Víðir og Ganagane börðust svo hatrammri baráttu um fjórða sætið og hafði Víðir betur að lokum og sýndi Ganagane engin grið enda Víðir aldrei verið þekktur fyrir neitt annað

Vegna mistaka í skráningu þá ljáðist mótshöldurum að fá nafn hjá einu konunni sem mætti til leiks og þykir þeim það miður.  Viljum við byðjast afsökunar á þessum leiðu mistökum og lofum að gera þetta aldrei aftur.

Úrslit karlaflokki:
  1. Andrés 13:00
  2. Hartmann 14:17
  3. Upajukta 15:46
  4. Víðir 17:20
  5. Ganagane 17:43

Úrslit kvennaflokki:
  1. Kristbjörg 16:31

Tjarnarhlaup 14. mars



Eftir að hafa tekið sér frí í síðasta hlaupi þá mætti Andrés Ramon í Tjarnarhlaupið á nýjan leik og sigraði örugglega einsog fyrri daginn.
Andrés var þó nokkuð frá besta tíma sínum á þessu ári, enda er ekki auðvelt að bæta sig í hvert skipti. 

Baráttan um annað sætið var lengi vel mjög hörð á milli Brynjars, Upajukta og Víðis, en á lokakaflanum þá tók Brynjar á mikinn sprett og stakk þá búðingsbræður af án þess að hafa mikið fyrir því.

Víðir byrjaði hlaupið reyndar í miklum ham einsog hann er að verða frægur fyrir en gaf svo heldur mikið eftir á lokakaflanum, og var hann næstum búinn að missa Einar framúr sér en Einar er afar reyndur hlaupari sem kann eflaust einhver brögð til að klekkja á keppinautunum.

Síðastur en alls ekki sístur var svo Ganagane en hann mætti í nýjum skóm og einnig nýjum forláta hlaupagalla og lýsti því yfir að það yrði ekki langt í það hann færi að berjast um efstu sætin og menn skyldu því allsekki vanmeta Ganagane í framtíðinni.

Úrslit:

  1. Andrés 11:45
  2. Brynjar 14:39
  3. Upajukta 15:14
  4. Víðir 16:05
  5. Einar 16:20
  6. Ganagane 18:37

Tjarnarhlaup 29. nóvember


Það var góða mæting í Tjarnarhlaupinu 29. nóvember en alls mættu 5 hlauparar til leiks.  Mátti þar meðal annars sjá þá Andrés Ramon og Rúnar Pál en þeir hafa ekki sést svo lengi sem elstu menn muna, en ásstæðan fyrir því er að Rúnar var að hlaupa í Vináttuhlaupinu í september og október og Andrés hefur verið upptekinn við nám.

Það fór líka svo að þeir félagar börðust um fyrsta sætið enda báðir í feiknagóðu formi um þessar mundir.  Reyndar voru uppi vangaveltur um hvort Rúnar Páll hefði þjófstartað en eftir mikið japl jaml og fuður þá var ákveðið að líta framhjá því að þessu sinni, því þrátt fyrir að hafa lagt af stað á undan hinum þá náði Andrés að sigra nokkuð örugglega og verður Rúnar því að finna uppá einhverjum öðrum bellibrögðum ef hann ætlar sér sigur næst.
 
Hartmann varð svo þriðji á ágætis tíma en hann hafði einmitt sett persónulegt met í síðustu viku en mátti sætta sig við aðeins lakari tíma að þessu sinni, enda er ekki auðvelt að bæta sig í hverri viku og er það líka heimspeki Sri Chinmoy  að betra er að bæta sig hægt og rólega.

Keppnin um fjórða sætið var þó langmest spennandi en það voru þeir félagar og bumbubræður Víðir og Upajukta sem háðu harða en heiðarlega baráttu.  Víðir var á undan Upajukta nærri því allt hlaupið en Upajukta náði að læða sér framúr á endasprettinum.  Kenndi Víðir um miklum verkjum í meltingafærum sínum því að hann hefði misst Upajukta framúr sér og tökum við þá afsökun góða og gilda eins og allar aðrar sem Víðir kemur með.

Svo má ekki gleyma senuþjófi kvöldsins, en það var hann Ágúst Örn sem kom færandi hendi með pizzur handa keppendum og vakti það mikla lukku allra þeirra sem voru viðstaddir.

Úrslit karlaflokki:
  1. Andrés 12:47
  2. Rúnar Páll 13:12
  3. Hartmann 14:21
  4. Upajukta 15:24
  5. Víðir 15:40

Tjarnarhlaup 16. maí



Eftir fremur dræma þátttöku síðustu vikur þá mættu heilir sex hlauparar til leiks í Tjarnarhlaupinu þriðjudaginn 16. maí.
Þetta mun vera u.þ.b. 300% aukning frá síðasta hlaupi ef útreikningar eru réttir.

Það var auðvitað Andrés sem sigraði örugglega en Hartmann sem var í öðru sæti er þó aðeins farinn að nálgast Andrés og er aldrei að vita hvað gerist seinna í sumar, en Hartmann hljóp á sínum besta tíma í þessu hlaupi.

Nú Brynjar stal svo öðru sætinu af Upajukta með því að stinga sér framúr á síðustu metrunum en Upajukta er þekktur fyrir að tapa á lokasprettinum og eru fræg einvígi hans við Davíð fyrir nokkrum árum en hann hefur reyndar ekki sést lengi og gengur sú saga að Davíð forðist aöll hlaup sem heitan eldinn.

Svo má reyndar ekki gleyma Gangane sem mætti aftur eftir nokkurt hlé og kom mönnum nokkuð á óvart með því að ná góðum tíma, en það voru flestir búnir að afskrifa hann fyrir hlaupið.


Úrslit:

  1. Andrés 12:03
  2. Hartmann 13:03
  3. Brynjar 14:45
  4. Upajukta 14:48
  5. Gangane 16:28
  6. Ágúst 19:46

Tjarnarhlaup 30. maí



Aldrei þessu vant þá öttu nákvæmlega þrír hlauparar kappi í Tjarnarhlaupinu þann 30. maí.

Var þetta með mest spennandi hlaupum sem hafa farið fram lengi en þetta voru allt mjög jafnir hlauparar og var ómögulegt að spá fyrir um hver færi með sigur af hólmi.

Það fór þó svo að Brynjar kom fyrstur í mark  aðeins tíu sekúndum á undan Suren sem varð annar sem varð svo hins vegar tíu sekúndum á undar Gústa sem rak lestina en þarf þó lítið að skammast sín fyrir það.

Úrslit:

  1. Brynjar 14:23
  2. Suren 14:33
  3. Ágúst 14:43